ဧပြီ-၉၊၂၀၂၅။ဟန်နွေ/People’s Spring
ရှမ်းပြည်နယ်မြောက်ပိုင်း၌ အောက်ခြေတပ်ဖွဲ့ဝင်များကြား ပြဿနာအချို့ ဖြစ်ခဲ့သည့် ကချင်လွတ်လပ်ရေးအဖွဲ့ /ကချင်လွတ်လပ်ရေးတပ်မတော်(KIO/KIA) နှင့် ပလောင်ပြည်နယ်လွတ်မြောက်ရေးတပ်ဦး/ တအာင်းအမျိုးသားလွတ်မြောက်ရေးတပ်မတော်(PSLF/TNLA) တို့အကြား ဆွေးနွေးပွဲအတွက် ရှေ့ပြေး ညှိနှိုင်းရေးများ စတင်နေပြီဖြစ်ကြောင်း KIO ခေါင်းဆောင်တစ်ဦးဖြစ်သည့် ဒုတိယ ဗိုလ်ချုပ်ကြီးဂွန်မော်ကအသိပေးလိုက်သည်။
ယခုနှစ်ဆန်းပိုင်းအတွင်း ရှမ်းမြောက်ရှိ နမ့်ဖက်ကာ၊ မန်တုံအပါအဝင် ဒေသအချို့၌ TNLA နှင့် KIA တပ်ဖွဲ့ဝင်များအကြား ပြဿနာ ဖြစ်ပွားခဲ့မှုများနှင့် ပတ်သက်၍ နှစ်ဖက် အောက်ခြေတပ်မှူးများ တွေ့ဆုံညှိနှိုင်းခဲ့သော်လည်း မပြေလည်သေးသဖြင့် ဗဟိုအဆင့် ဆွေးနွေးမှုများ ပြုလုပ်ရန် ဆောင်ရွက်နေသည်ကို ကချင်လွတ်လပ်ရေးကောင်စီ(KIC) ဒုဥက္ကဋ္ဌ ဖြစ်သူ ဒုဗိုလ်ချုပ်ကြီး ဂွန်မော်က ဧပြီ ၉ရက်တွင် လူမှုကွန်ရက်မှတဆင့် အသိပေးခဲ့ခြင်းဖြစ်သည်။
“မေတ္တာရပ်ခံခြင်း” ဟု ခေါင်းစဉ်တပ်ကာ KIOနှင့် PSLF နှစ်ဖွဲ့ ဆွေးနွေးပွဲအတွက် ရှေ့ပြေးညှိနှိုင်းရေးများ စတင်နေပါပြီ၊ သက်ဆိုင်ရာ ဒေသတွင်းရှိ မိဘပြည်သူများ နားလည်ကူညီပေးကြပါရန် နှင့် Onlineသုံးစွဲသူများမီဒီယာများအကြံပေးထောက်ပြလိုသူများ ထံမှလည်း အပြုသဘော ဆောင်သော ကူညီပံ့ပိုးမှု များကို မျှော်လင့်ပါသည် ဟု ဒုဗိုလ်ချုပ်ကြီးဂွန်မော်က ရေးသားထားသည်။
Public Service Announcement
KIO ဗဟိုအဆင့်ခေါင်းဆောင်၏ ဆွေးနွေးပွဲ အ
သိပေးချက်နှင့်ပတ်သက်၍ မေးမြန်းရန် PSLF/TNLA အထွေထွေအတွင်းရေးမှူးချုပ် ဗိုလ်ချုပ်တားဘုန်းကျော်ထံသို့ ဆက်သွယ်ထားဆဲဖြစ်ပြီး ဆက်သွယ်မရသေးပေ။
ဗိုလ်ချုပ်ဂွန်မော်၏ ဖော်ပြချက်အောက်တွင် လူမှုကွန်ရက် အသုံးပြုသူအချို့က ဆွေးနွေးပွဲ အ
ကောင်းဆုံးရလဒ်များ ရရှိပါစေ ဆုတောင်းသည့် မှတ်ချက်များ ဝင်ရောက်ရေးသားထားသည်ကိုလည်းတွေ့ရသည်။
“အချင်းချင်း ပဋိပက္ခ ဖြေရှင်းရာမှာ စံပြတွေပါ။ အတုယူစရာပါ KIOနှင့် PSLFတို့”ဟုလည်း Salai Thang Paing ဆိုသူက ရေးသားထားသည်။
KIOနှင့် TNLA နှစ်ဖွဲ့လုံးသည့် မဟာမိတ်စာချုပ်ချုပ်ဆိုထားသည့် အဖွဲ့များဖြစ်ပြီး စစ်ကောင်စီကို ပြင်းပြင်းထန်ထန် တော်လှန်တိုက်ခိုက်နေသည့် တိုင်းရင်းသား တော်လှန်ရေးတပ်ဖွဲ့များဖြစ်ပြီး စစ်ကောင်စီတပ်စခန်းရာချီ နှင့် မြို့များစွာကို သိမ်းပိုက်ထားနိုင်သည်အထိ အောင်ပွဲများ ရရှိထားသည်။
သို့သော် ၂၀၂၄ မှစ၍ ရှမ်းမြောက်၌ နှစ်ဖက်တပ်ဖွဲ့များအကြား နယ်မြေဆိုင်ရာအငြင်းပွားမှုနှင့်ပတ်
သက်၍ အောက်ခြေတပ်ဖွဲ့ဝင်များကြား ခိုက်ရန်ဖြစ်ပွားမှု မကြာခဏဖြစ်ခဲ့သည်။
