စစ်ကိုင်း နှင့် မကွေး တွင် စစ်ကောင်စီယာဥ်တန်းများကို ဒေသခံကာကွယ်ရေးတပ်ဖွဲ့များက ယနေ့မိုင်းဆွဲတိုက်ခိုက်
သည့် ဖြစ်စဥ် နှစ်ခုတွင် စစ်ကောင်စီ တပ်သား ၁၀ ဦးထက် မနည်းသေဆုံးပြီးအများအ ပြားဒဏ်ရာရရှိကြောင်းပြည်သူ့ကာကွယ်ရေးတပ်ဖွဲ့များက ထုတ်ပြန်သည်။
ယနေ့(နိုဝင်ဘာ ၇ ရက်) ညနေ က စစ်ကိုင်း တိုင်းပုလဲမြို့မှ ပုလဲ-ဂန့်ဂေါလမ်းမကြီးအတိုင်း အနောက်ဖက်သို့ထွက်လာသော စစ်ကောင်စီကား ၅စီးကို လှိုင်းချောင်းလမ်းခွဲ တံတားအနီးတွင် ပုလဲ PDF အဖွဲ့ဝင် ပုံတောင်တိုက်ဂါးအဖွဲ့ နှင့် ပုလဲပြောက်ကျားတပ်ဖွဲ့ တို့ ပူးပေါင်း၍ မိုင်းခွဲတိုက်ခိုက်ခဲ့သည်။ စစ်ကား ၅စီးအနက် တစ်စီးကို မိုင်းထိကာ စစ်ကောင်စီတပ်သား အများအ ပြားသေဆုံးနိုင်ကာ ပြောက်ကျားတပ်ရဲဘော်များ အထိအခိုက်မရှိဘဲ နောက်ဆုတ်နိုင်ခဲ့သည်ဟု ပုလဲပြောက်ကျားတပ်ဖွဲ့ကထုတ်ပြန်သည်။
အလားတူ ယနေ့ ညနေ ၃ နာရီဝန်းကျင်ကကျောက်ထုမှထီးလင်းဘက်သို့သွားသော အကြမ်းဖက်စစ်ကောင်စီယာဥ် ၇ စီးပါယာဥ်တန်းမှကားတစ်စီး လမ်းအတက်ကိုမတက်နိုင်၍ ကားပေါ်မှစစ်ကောင်စီတပ်သားများ လမ်းဆင်းလျှောက်ကြစဥ် ကျောက်ထုPDF ကမိုင်းဆွဲတိုက်ခိုက်ခဲ့ရာ ကားတစ်စီးပျက်စီး (မောင်းမရ၍ ကျောက်ထုဘက်သို့ ကားနဲ့ပြန်ဆွဲသွားရ)ကြောင်း သိရသည်။
အဆိုပါ တိုက်ပွဲတွင် စစ်ကောင်စီတပ်သား ၁၀ ဦးထက်မနည်းသေဆုံး၍ အများအပြားဒဏ်ရာရပြီး ပြည်သူ့ကာကွယ်ရေးတပ်ဖွဲ့ဝင်များအထိအခိုက်မရှိ ပြန်လည်ဆုတ်ခွာနိုင်ခဲ့သည်ဟု ကျောက်ထုPDFက ပြောသည်။
Public Service Announcement
ပြည်သူများအနေနှင့် ထီးလင်း-ကျောက်ထုနယ်စပ်မှ ထီးလင်း-ကျောက်ထုနယ်စပ်လမ်းပိုင်း၊ ကျောက်ထုမှဆောကြားလမ်းပိုင်းအချို့နေရာများတွင် တိုက်ပွဲများ ဆက်လက်ဖြစ်ပေါ်နိုင်၍ ယခုရက်ပိုင်းများတွင် သေရေးရှင်ရေးကိစ္စမှအပ လမ်းပေါ်မထွက်ကြရန်လည်းကျောက်ထုPDF က တိုက်တွန်းသည်။
