မေ – ၅ ၊၂၀၂၅ ၊ ဆိုင်းမင်း/People’s Spring
မန္တလေးမြို့၊ချမ်းမြသာစည်မြို့နယ်ထဲမှာ ဒီနေ့ (မေ ၅ ရက်) မနက်ပိုင်းက ဂတ်စ်အရောင်းဆိုင် မီးလောင်မှုဖြစ်ပွားခဲ့ပါတယ်။
မနက် ၁၁ နာရီ ဝန်းကျင်က ချမ်းမြသာစည်မြို့နယ် တပ္ပဝတီရပ်၊ ပန်းတဥ်းတန်းရပ်ကွက်ရှိ ဂတ်စ်အရောင်းဆိုင်မှာမီးလောင်တာပါ။
” ဂတ်စ်ဆိုင်ဖြစ်တော့ မီးတောက်အား တအားပြင်းတယ်” လို့ တပ္ပဝတီရပ်မှာနေထိုင်သူတစ်ဦးကပြောပါတယ်။
Public Service Announcement
မီးလောင်မှုအတွင်း ဂတ်စ်အိုးအချို့ ပေါက်ကွဲမှု ဖြစ်ခဲ့ပြီး ကျန်ရှိတဲ့ ဂတ်စ်အိုးတွေကို အချိန်မီဆွဲထုတ်နိုင်တာကြောင့် မီးကိုငြိမ်းနိုင်ခဲ့တာလို့ ရပ်ကွက်တွေပြည်သူတွေက ဆိုပါတယ်။
မီးလောင်မှုကြောင့် နေအိမ်နှစ်လုံးမီးလောင်ပျက်စီးခဲ့သလို ထိခိုက်ဒဏ်ရာရသူ နှစ်ဦးရှိပြီး နာရီဝက်နီးပါးကြာ မီးငြှိမ်းသတ်ခဲ့ရတယ်လို့ သိရပါတယ်။
