'/%3E%3C/svg%3E){kind=small}
မေ ၂၇၊၂၀၂၅။ သုည/People’s Spring
ကချင်ပြည်နယ်၊ ဖားကန့်မြို့နယ် တာမခံကျေးရွာရှိ လေယာဉ်ဗုံးဒဏ်ထိထားသော အဆောက်အဦိအပျက်အစီးများကြားတွင် မှော်လှည့်သပိတ်နှင့် တာမခံသပိတ်အင်အားစုတို့ ပူးပေါင်းပြီး စစ်ကောင်စီတပ်ကို ILO၏ ပုဒ်မ(၃၃)အရ အရေးယူနိုင်ရေး နိုင်ငံတကာက ထောက်ခံမဲပေးကြရန် ယနေ့ (မေလ ၂၇) တောင်းဆို ဆန္ဒပြခဲ့သည်။
မြန်မာပြည်သူများအား နေ့စဉ် လေယာဉ်ဖြင့်ဗုံးကြဲတိုက််ခိုက်ခြင်းများ ရပ်တန့်ရန်၊ စစ်ကောင်စီကို လက်နက်များ မဝယ်နိုင်ရန် ငွေကြေးစီးဆင်းမှုများ ဖြတ်တောက်ရန်၊ အလုပ်သမားအခွင့်အရေးနှင့် လူ့အခွင့်အရေးများကို ကာကွယ်စောင့်ရှောက်ပေးရန်၊ အဓမ္မစစ်မှုထမ်းခိုင်းစေခြင်းဆိုင်ရာ ကိစ္စရပ်များနှင့် ကလေးစစ်သားအသုံးပြုမှု ရပ်တန့်ရန်၊ အပြစ်မဲ့ပြည်သူများ၊ ကလေးငယ်များနှင့် အမျိုးသမီးများ၏ အသက်များစွာ နေ့စဉ် ရက်စက်စွာ သတ်ဖြတ်မှုများကို ရပ်တန့်နိုင်ရန် ရည်ရွယ်၍ ပြုလုပ်ခဲ့ခြင်း ဖြစ်ကြောင်း ဖားကန့်သပိတ်အင်အားစုက ဆိုသည်။
ILO၏ ပုဒ်မ(၃၃)အရ စစ်ကောင်စီကို အရေးယူနိုင်ရေး နိုင်ငံတကာအနေဖြင့် မြန်မာပြည်သူများနှင့်ရပ်တည်ကာ ထောက်ခံမဲပေးကြရန်အတွက် မေလ ၁၉ ရက်ကလည်း ဖားကန့်မြို့နယ်အတွင်း သပိတ်အင်အားစုများက လူထုလှုပ်ရှားမှုပြုလုပ်ခဲ့ပြီး တစ်လအတွင်း ဒုတိယအကြိမ် သပိတ်လှုပ်ရှားမှု ဖြစ်သည်။
Public Service Announcement
ဓာတ်ပုံ -စစ်အာဏာရှင်ဆန့်ကျင်ရေးလူထုကွန်ရက်-ဖားကန့်မြို့နယ်
