မန္တလေးမှာ ဘဏ်အကောင့်ပိတ်ခံထားရသူတွေကို စစ်​ကောင်စီက ပြန်လိုက်ဖမ်း​နေ

ဇွန်-၂၊၂၀၂၅။People’s Spring

မန္တလေးမြို့မှာယခင်က ဘဏ်အကောင့်ပိတ်ခံထားရတဲ့ သူတွေကိုစစ်​ကောင်စီကပြန်လည်ဖမ်းဆီးနေပြီး မန္တလေးမှာကားအရောင်းအဝယ်ပြုလုပ်သူ အမျိုးသားနှစ်ဦးလည်း ဖမ်းဆီးခံထားရတယ်လို့ နီးစပ်သူ တွေဆီကသိရပါတယ်။

အာဏာသိမ်းပြီး နောက်ပိုင်းဘဏ်အကောင့်ပိတ်ခံထားရသူ တွေကို ပြီးခဲ့တဲ့ မေလ လောက်ကစပြီး အမှု အဟောင်းတွေနဲ့ လိုက်လံဖမ်းဆီး နေတာလို့ သိရပါတယ်။

စစ်တပ်ကအာဏာသိမ်းပြီးနောက်ပိုင်း အွန်လိုင်း​ငွေ​ပေး​ချေမှု Pay ကတဆင့် ငွေအဝင်အထွက်များပြီးစစ်​ကောင်စီ သံသယရှိတဲ့သူတွေရဲ့ ဘဏ်အကောင့်တွေကိုပိတ်ခဲ့ပြီး ယခုအခါအဲဒီလူတွေကိုလိုက်လံဖမ်းဆီး နေတာလို့သိရပါတယ်။အများစုံဟာ KBZ Pay အသုံးပြုသူ​တွေဖြစ်ပါတယ်။

Public Service Announcement

မေလ နောက်ဆုံးပတ်ထဲမှာမန္တလေးမြို့က ကားအ ရောင်းအဝယ်ပြုလုပ်သူ အသက်၃၀ ကျော်အရွယ် အမျိုးသား၂ဦး ဖမ်းဆီးခံခဲ့ရတာလို့သိရပါတယ်။

“တ‌ယောက်ကတော့အကြမ်းဖက်တိုက်ဖျက်ရေးဥပဒ ၅၀ (ည)နဲ့ အမှုတင်ပြီးသွားပြီတဲ့။ဘယ်လိုမှ လိုက်မရဘူး”လို့ နီးစပ်သူတဦးက ပြောပါတယ်။

အဲဒီအမျိုးသားနှစ်ဦးဟာမိတ်ဆွေတွေဖြစ်ကြပြီး ကားအရောင်းအဝယ်ပြုလုပ်တာကြောင့်ဘဏ်အကောင့် ငွေ အဝင်အထွက်များပြီးတဲ့ နောက်ဘဏ်အကောင့် အပိတ်ခံခဲ့ရတာလို့သိရပါတယ်။

“အခုက ဘဏ်အကောင့်ပိတ်ခံထားရသူ‌​တွေကိုအကုန်လိုက်ဖမ်းနေတာလို့ ပြောတယ်။တ‌ယောက်ဆို အကောင်ကြီးတွေနဲ့လိုက်တာကိုမရတာ”လို့ နီးစပ်သူတဦးကလည်း ပြောပါတယ်။

စစ်တပ်က PSMSနည်းပညာနဲ့ မတ်လကနေ မေလအတွင်းဖမ်းဆီးထားသူမန္တလေးတိုင်းအတွင်းက၁၆၇၅ဦးရှိတယ်လို့ထုတ်ပြန်ထားပြီးအဲဒီဖမ်းဆီးခံရသူတွေ ထဲမှာ ဘဏ်အကောင့်ပိတ်ခံထားရသူ တွေလည်းပါဝင်ပါတယ်။

PSMS Software (Public Sector Management System)ဟာ တရုတ်နည်းပညာကုမ္ပဏီတခုက အကူအညီ ပေးထားပြီး စစ်တပ်ရဲ့ စစ်ဆေးရေး ဂိတ်၊ဟိုတယ်၊တည်းခိုခန်း စတဲ့ မှတ်ပုံတင် စစ်ဆေးတဲ့နေရာ တွေမှာ မှတ်ပုံတင်နံပါတ်ကို ရိုက်ထည့်လိုက်တာနဲ့ကွန်ပျူတာမှာ စစ်ကောင်စီက တပ်ထားတဲ့ ပုဒ်မပေါ်လာတဲ့ ​ဆော့ဝဲ ဖြစ်တယ်လို့ အကြမ်းဖျင်းသိရပါတယ်။

အဲဒီ PSMS ​ဆော့ဝဲကို ပြီးခဲ့တဲ့ဧပြီလက ပြင်ဦးလွင်မြို့မှာ စတင်အသုံးပြုခဲ့ပြီး ငလျင်သွားရှောင်တဲ့မန္တလေးမြို့ခံ အမျိုးသား၃‌‌ဦးနဲ့ အမျိုးသမီး၂ဦး တို့ သင်္ကြန်အတွင်းမှာဖမ်းဆီးခံခဲ့ရတယ်လို့ သိရပါတယ်။

“၂၀၂၁ကတည်းက ဘဏ်အကောင့်အပိတ်ခံထားရတာ။ကြားထဲဖမ်းဆီးတာ၊နာမည်ထွက်တာ၊ဝရမ်းထုတ်တာတွေလည်းမရှိတော့ ပုဒ်မရှိ နေမှန်းမသိဘူး။ဒီကြားထဲလည်း မန္တလေးနဲ့ပြင်ဦးလွင်ကူးနေတာပဲ။အဲတာ သင်္ကြန်နဲ့ ငလျင်သွားရှောင်တဲ့အချိန်မှာ ဧည့်စာရင်းတိုင်လိုက်တာ။ညပိုင်းဝင်ဖမ်းသွားတာ”လို့ လက်ရှိ အကြမ်းဖက်တိုက်ဖျက်‌​ရေးဥပဒေပုဒ်မ ၅၀(ည)နဲ့ တရားစွဲခံထားရသူတဦးရဲ့ မိသားစုဝင်က ပြောပါတယ်။

ဖမ်းဆီးချိန်မှာ ပုဒ်မတခုကိုသာ ပြောဆိုဖမ်းဆီးခဲ့တာဖြစ်ပြီးပြင်ဦးလွင်ရဲစခန်းကနေတဆင့်မန္တလေးမြို့ သက်ဆိုင်ရာမြို့နယ်ရဲစခန်းကို ပို့ဆောင်ခဲ့တာဖြစ်တယ်လို့သိရပါတယ်။