ထိုင်းနိုင်ငံ၊ ဘန်ကောက်မြို့တော်က ဆောက်လုပ်ရေး လုပ်ငန်းခွင် တစ်ခုမှာ အိမ်ဆောက်ပစ္စည်းတွေ ပိမိရာက မြန်မာ အလုပ်သမားတစ်ဦး သေဆုံးသွားခဲ့ပါတယ်။
ဘန်ကောက်ရဲ့ ချွမ်သောင်မှာရှိတဲ့ ရာမ ၂ လမ်းမပေါ်က ဆောက်လုပ်ရေး လုပ်ငန်းခွင်မှာ ကွန်ကရစ်တွေနဲ့ သဲတွေက အဲဒီ မြန်မာလုပ်သားပေါ် ပြိုကျပြီး ပိမိရာက အသက်ဆုံးရှုံးတဲ့ထိ ဖြစ်ခဲ့တာပါ။ သူဟာ ဇွန်လ ၈ ရက် မနက်အစောပိုင်းက မြေအောက် ၃ မီတာလောက် အနက်မှာ မိလ္လာပိုက်လိုင်းတွေ ဆင်နေတဲ့အချိန် မတော်တဆမှု ကြုံခဲ့ရတာပါ။
အသက် ၃၉ နှစ်အရွယ် ရှိပြီး လုပ်ဖော်ကိုင်ဖက်တွေက ဦးရဲလို့ ခေါ်ကြတဲ့ အမျိုးသားဟာ နီးစပ်ရာ ဆေးရုံကို ခေါ်သွားချိန်မှာ အသက်ရှင်နေသေးပေမယ့် လမ်းတစ်ဝက်မှာပဲ နှလုံးရပ်ပြီး ဆုံးပါးသွားခဲ့တာလို့ သိရပါတယ်။
ကိုးကား: Khaosod
Public Service Announcement
