အာဏာသိမ်းစစ်ကောင်စီတပ်ကို ခုခံတိုက်ခိုက်နေသည့် ကရင်နီဒေသကာကွယ်ရေးတပ်ဖွဲ့(KNDF)ထံသို့ အဖွဲ့ဝင်အဖြစ် လူထု၏ ပူးပေါင်းပါဝင်လာမှု ပိုမိုများပြားလာကြောင်း KNDF ပြောရေးဆိုခွင့်ရှိသူက ပြောကြားသည်။
နိုဝင်ဘာ ၁၃ရက်က KNDF တပ်ရင်း(၁၄)၏ သင်တန်း ဆင်းပွဲ ပြုလုပ်ခဲ့ခြင်းနှင့်ပတ်သက်ပြီး မေးမြန်းရာတွင် KNDF ပြောရေးဆိုခွင့်ရှိသူက လူထုပူးပေါင်းပါဝင်လာမှု အခြေအနေကို ပြောပြခြင်းဖြစ်သည်။
KNDF အနေဖြင့် စစ်ကောင်စီတပ်ကို ခုခံတိုက်ခိုက်သည့် တိုက်ပွဲများ တစ်နေ့တစ်ခြား များလာသကဲ့သို့ ကျဆုံးသူများလည်းရှိလာကြောင်း၊ တစ်ဆက်တည်တွင် KNDFထံ လူထုပူးပေါင်းပါဝင်လာမှုလည် ပိုများလာကြောင်း ၎င်းက ဆိုသည်။
“KNDFရဲ့ စုဖွဲ့မှုပုံစံ KNDF ရဲ့အနေအထားတွေအားလုံးက ဒီပြည်နယ်မှာရှိနေတဲ့ လူငယ်ထုတွေရဲ့ အနေအထားတစ်ခုကို လူငယ်ထုရဲ့ သဘောထားတွေ ရှိနေတဲ့ အနေ အထားဖြစ်တော့ အားလုံးကတော့ပူးပေါင်းလာကြတဲ့ အနေအထားရှိတယ်လို့ ယူဆတယ်”ဟု KNDF ပြောရေး ဆိုခွင့်ရှိသူက ပြောသည်။
Public Service Announcement
KNDFသည် နွေဦးတော်လှန်ရေးကာလတွင် ပေါ်ပေါက်လာသည့် လက်နက်ကိုင်တပ်ဖွဲ့ဖြစ်ပြီ ကရင်နီအမျိုသားတိုးတက်ရေးပါတီ(KNPP)၏ လက်အောက်ခံတပ်ဖြစ်သော ကရင်နီအမျိုးသာတပ်မတော်(KA)နှင့်အတူ စစ်ကောင်စီတပ်များကို ခုခံတိုက်ခိုက်နေခြင်းဖြစ်သည်။
“KNDFနဲ့ KAနဲ့က အမြဲတမ်း စစ်ကောင်စီကို တော်လှန် ရေးကိစ္စတွေမှာ ပူးပေါင်းဆောင်ရွက်နေတာရှိတယ်။ ဒါက စစ်အာဏာသိမ်းပြီးကတည်းက KNDFစ တင်ဖြစ်ပေါ်လာတဲ့ အနေအထားကနေ စပြီးတော့ အဲဒီလို ဖြစ်ခဲ့တာပေါ့။ KAနဲ့ KNDFနဲ့ကလောလောဆယ်ကတော့ အမိန့်စီးဆင်းမှု ပုံစံက တစ်နေရာတည်းပဲ ဖြစ်တယ်ဆိုတာတော့ ငြင်းလို့ မရဘူးပေါ့။ထိုနည်းတူ KNDFရဲ့ နောက်ထပ် အခြေအနေတစ်ခုက ဒီပြည်နယ်မှာ ရှိတဲ့မိခင်ဒေသအသီး သီးရဲ့လမ်း ညွှန်မှုကိုလည်းသွေဖယ်မှုမရှိအောင်လည်း လုပ်ဆောင်လေ့ရှိတဲ့ တော်လှန်ရေးတပ်တစ်ခုဆိုလည်း မမှားဘူးပေါ့”ဟု KNDF ပြောရေးဆို ခွင့်ရှိသူက ပြောသည်။
ကရင်နီလူမျိုးများနေထိုင်ရာ ကယားပြည်နယ်ရှိ မြို့နယ်များနှင့် ရှမ်းပြည်နယ်တောင်ပိုင်း ဖယ်ခုံမြို့နယ်တို့တွင် KNDF၊ KAတို့အပြင်ဒေသခံ ပြည်သူ့ကာကွယ်ရေးတပ်ဖွဲ့(PDF)များကလည်း စစ်ကောင်စီတပ်ကို ခုခံတိုက်ခိုက်နေသည်။ စစ်တပ်အာဏာသိမ်းပြီးနောက်ပိုင်းမေလ ၂၀ရက်မှစ၍ ကရင်နီဒေသ၌ တိုက်ပွဲများ စတင်ခဲ့ရာ လက်ရှိတွင် တိုက်ပွဲများ မကြာခဏ ဖြစ်ပွားနေပြီး စစ်ကောင်စီတပ်ဖွဲ့ဝင်များ သေဆုံးထိခိုက်မှုများပြားခဲ့သည်။
