လှိုင်သာယာမြို့နယ် (၁၀) ရပ်ကွက်မှ စစ်ကောင်စီသတင်းပေး ဆယ်အိမ်မှူး ဘင်လာဒင်(ခ) ကျော်
မင်းဦးသည် ယနေ့(နိုဝင်ဘာ ၁၇ ရက်) နံနက် ၉ နာရီခန့်က သေနတ်ဖြင့် ပစ်သတ်ခံရကြောင်း အဆိုပါရပ်ကွက်ဒေသခံများက ပြောသည်။
“ဆင်ဖြူရှင်လမ်းမပေါ်မှာ ခေါင်းကို နှစ်ချက်ပစ်ခံရတယ်လို့ သိရတယ်။ဆေးရုံကိုခေါ်သွားပြီ။စစ်တပ်တော့ လမ်းပိတ် စစ်နေတယ်”ဟု ဒေသခံတစ်ဦးက ပြောသည်။
နိုဝင်ဘာ ၁၃ ရက်တွင် လှိုင်သာယာအပိုင် ကစင်ကျေးရွာအုပ်ချုပ်ရေးမှူး သောင်းလှိုင်စိုးမှာ သေနတ်ဖြင့် ပစ်ခတ်ခံခဲ့ရသည်။
အလားတူ နိုဝင်ဘာ ၁၂ ရက်ကလည်း စစ်ကောင်စီ သတင်းပေးဟု ဒေသခံများကဆိုသော လှိုင်သာယာ လူမိုက်ခင်စိန် ပစ်သတ်ခံထားရသည်။
Public Service Announcement
ထို့အပြင် လှိုင်သာယာမြို့နယ်ရှိ စစ်ကောင်စီတပ်စွဲထားသော ကနောင်လမ်းမကြီးပေါ်ရှိ အားကစားရုံးအနီး၌ နိုဝင်ဘာ ၁၅ ရက်က အပြန်အလှန်ပစ်ခတ်မှုဖြစ်ပွားခဲ့သည်။
