ဖေဖော်ဝါရီ-၂၅၊၂၀၂၆။သတိုး/People’s Spring
ရန်ကုန်မြို့၊လှိုင်သာယာမြို့နယ်မှာ ညအချိန်ကင်းပတ်ပြီးပေါ်တာဆွဲဖမ်းဆီးနေတဲ့ စစ်ကောင်စီတပ်ဖွဲ့ဝင်တွေ နဲ့ ပျူစောထီးတွေ လိုက်ပါလာတဲ့ယာဉ်ကို နည်းပညာမြင့်အဝေးထိန်းမိုင်းနဲ့ ဖောက်ခွဲတိုက်ခိုက်ခဲ့တယ်လို့ Operation Flame အဖွဲ့ရဲ့ သတင်းနဲ့ ပြန်ကြားရေးတာဝန်ခံက ပြောပါတယ်။
“ပြင်းအားမြင့်အဝေးထိန်းမိုင်း တစ်လုံး အသုံးပြုခဲ့ပါတယ်။ကျနော်တို့ အဲ့ကင်းပတ်ကားကို မထိထိအောင် သေချာစောင့်ဆိုင်းပြီး အချိန်ကိုက် ပြုလုပ်ခဲ့တာ ဖြစ်ပါတယ်။”လို့ စစ်ဆင်ရေးနဲ့ ပတ်သတ်ပြီး ပြောပါတယ်။
လှိုင်သာယာမြို့နယ်၊ သောင်ကြီးနယ်မြေရဲစခန်းကနေ စက်မှုဇုံအတွင်းကို ညစဉ် ကင်းပတ် ထွက်ပြီး ပေါ်တာဆွဲနေတဲ့စစ်ကောင်စီတပ်သား ၊ရဲ နဲ့ ပျူစောထီးတွေကို စစ်ရေးပစ်မှတ်အနေနဲ့ မနေ့က (ဖေဖော်ဝါရီ ၂၄) ည ၁၁နာရီခွဲလောက်မှာ (၂၀)ရပ်ကွက်၊ ဆရာစံလမ်းမပေါ် က (၈၆) ဂိတ်ဟောင်းမှတ်တိုင်အနီးမှာ အဝေးထိန်းမိုင်းနဲ့ တိုက်ခိုက်ခဲ့တာပါ။
Public Service Announcement
“အဲ့ကောင်တွေ သေချာပေါက်ထိနိုင်တယ်ဗျ။ အတိအကျတော့ ကျနော်တို့ စုံစမ်းနေဆဲပါဘဲ။” လို့ အထက်ပါ ပြန်ကြားရေးတာဝန်ခံက ပြောပါတယ်။
အဲဒီစစ်ဆင်ရေးကို Operation Flameနဲ့အတူ Underground Guerrilla၊ ပြည်သူ့ကာကွယ်ရေးတပ်မတော် စစ်ဆင်ရေးတပ်ဖွဲ့ SRDFနဲ့ ရွှေဘိုခရိုင်အမှတ်(၁၅) တပ်ရင်းတို့ပူးပေါင်းလုပ်ဆောင်ခဲ့တယ်လို့ သတင်းထုတ်ပြန်ထားပါတယ်။
တော်လှန်ရေးအင်အားစုတွေအနေနဲ့
၂၀၁၅ နဲ့၂၀၂၀မှာ ပြည်သူလူထုကိုယ်တိုင်ရွေးကောက်တင်မြောက်ထားတဲ့ တရားဝင်အစိုးရကိုပဲ အသိအမှတ်ပြုလက်ခံထားဆဲဖြစ်ပြီး စစ်ကောင်စီရဲ့ ၂၀၂၅ ရွေးကောက်ပွဲက ပေါ်ပေါက်လာမယ့် တရားမဝင်အစိုးရကို လုံးဝအသိမှတ်ပြုသွားမှာမဟုတ်ပဲ ဆက်လက်ပုန်ကန် တော်လှန်သွားမယ်လို့ အသိပေးထားပါတယ်။
