ဇူလိုင်-၂၂၊၂၀၂၅/People’s Spring
မန္တလေးမြို့ ဂေါဝန်ဆိပ်ကမ်းမှ ဧရာဝတီမြစ်ကြောင်းအတိုင်း ဆန်တက်လာသော စစ်သင်္ဘော(၅)စီးပါ သင်္ဘောအုပ်အား ဒေသတွင်းတော်လှန်ရေးတပ်ဖွဲ့များ ပူးပေါင်းတိုက်ခိုက်ခဲ့သည့် ရုပ်သံကို ပြည်သူ့ကာကွယ်ရေးတပ်မတော် (မန္တလေး)က ယနေ့(ဇူလိုင် ၂၂ရက်)တွင် ထုတ်ပြန်သည်။
အဆိုပါ စစ်သင်္ဘောအုပ်စုအား မတ္တရာမြို့နယ် ၊ စဉ့်ကူးမြို့နယ်နှင့် သပိတ်ကျင်းမြို့နယ်တို့၏မြစ်ကြောင်းတစ်လျှောက်၌ဖြတ်တောက်ပိတ်ဆို့တိုက်ခိုက်ခဲ့ခြင်းဟု ပြည်သူ့ကာကွယ်ရေးတပ်မတော် (မန္တလေး)က ထုတ်ပြန်သည်။
ဇူလိုင် ၁၇ရက်တွင် မန္တလေးမြို့ ဂေါဝန်ဆိပ်ကမ်းမှစတင်၍ ဧရာဝတီမြစ်ကြောင်းအတိုင်း ဆန်တက်လာသော စစ်ကောင်စီ၏ စစ်သင်္ဘော(၅)စီးပါ စုစုပေါင်းသင်္ဘော(၁၄)စီးအုပ်စုအား တိုက်ခိုက်ခဲ့ခြင်း ဖြစ်သည်။
Public Service Announcement
အဆိုပါမြစ်ကြောင်းတစ်လျှောက်တိုက်ခိုက်မှုကြောင့် စစ်ကောင်စီ၏ လက်နက်ခဲယမ်းနှင့်ရိက္ခာများတင်ဆောင်ထားသောတွဲတွန်းသင်္ဘော(၁)စီး နစ်မြှုပ်သွားခဲ့ပြီး စစ်သင်္ဘော(၁)စီးနှင့်အခြားတွန်းသင်္ဘော(၂)စီးသည် မီးလောင်ပျက်စီးမှုများပြားခဲ့သည်ဟု ဇူလိုင် ၂၀ရက်တွင် ကနဦး ထုတ်ပြန်ထားသည်။
https://www.facebook.com/LuduNwayOo/videos/1547630353341190
ရုပ်သံ – ပြည်သူ့ကာကွယ်ရေးတပ်မတော် (မန္တလေး)
