ဇူလိုင်-၃၀၊၂၀၂၅။သတိုး/People’s Spring
ရန်ကုန်မြို့၊ ဒဂုံမြို့သစ်ဆိပ်ကမ်းမြို့နယ် (၆၇) ရပ်ကွက်အုပ်ချုပ်ရေးမှူးရုံးကို ချိန်ကိုက်မိုင်းတစ်လုံးဖြင့် တိုက်ခိုက်ပြီးနောက် လာရောက်စစ်ဆေးသည့်စစ်ကောင်စီတပ်ဖွဲ့ဝင်များကိုပါ ဖောက်ခွဲတိုက်ခိုက်ခဲ့ကြောင်း Operation Flame ၏တာဝန်ခံက ပြောသည်။
“ရုံးကိုမိုင်း တစ်လုံးနဲ့တည်ပြီး ခေါ်ခွဲ ခွဲပြီးမှ၊ လာစစ်ဆေးတဲ့ စခ၊ရခ၊ပျူအဖွဲ့ကိုစောင့်ပြီး ၂လုံးထပ်ခွဲ။ရန်သူထိခိုက်မှုရှိနိုင်ပါတယ်။”ဟု ၎င်းကပြောသည်။
အဆိုပါတိုက်ခိုက်မှုကို Operation Flame၏ Fire Power အထူးစစ်ဆင် ရေးအနေဖြင့် ဇူလိုင် ၂၉ ရက်က လုပ်ဆောင်ခဲ့ခြင်းဖြစ်ပြီး စစ်ဆင်ရေးလုပ်ဆောင်သည့် ရဲဘော်အားလုံး ဘေးကင်းကြောင်း ၎င်းက ဆိုသည်။
Public Service Announcement
“ကျွန်ုပ်တို့ Operation Flameအနေဖြင့် အကြမ်းဖက်စစ်ကောင်စီ ပြုလုပ်ဖော်ဆောင်မည် အတုအယောင် ရွေးကောက်ပွဲကို လုံးဝလက်ခံသွားမှာမဟုတ်ပဲ ရန်ကုန်တော်လှန်ရေးမဟာမိတ် များအားလုံးနှင့် အတူလက်တွဲပြီး အကြမ်းဖက်စစ်တပ်ကို အရှိန်မြင့်တိုက်ခိုက်ချေမှုန်းသွားမှာ ဖြစ်ပါတယ်”ဟု ယင်းအဖွဲ့က ထုတ်ပြန် ထားသည်။
