ကျော်ဇော/People’s Spring
ပဲခူးတိုင်း၊ အုတ်ဖိုမြို့ မြို့နယ်ရဲစခန်းအနီးရှိ စစ်ကောင်စီ၏ ရပ်ကွက်အုပ်ချုပ်ရေးမှူးရုံးအား အဝေးထိန်းမိုင်းဖြင့် ဖောက်ခွဲတိုက်ခိုက်ခဲ့ကြောင်း မြေအောက်ပြောက်ကျားတပ်ဖွဲ့- အုတ်ဖိုမှ တပ်ခွဲမှူးရဲဘော်ဒေဝက လူထုနွေဦးသို့ ပြောသည်။
အုတ်ဖိုမြို့၊ မြို့မရပ်ကွက်၊ အုတ်ဖို့မြို့နယ်ရဲစခန်းအနီးရှိ စစ်ကောင်စီ၏ ရပ်ကွက်အုပ်ချုပ်ရေးမှူးရုံးအား ဖေဖော်ဝါရီ ၄ ရက် နံနက် ၄ နာရီခွဲခန့်တွင် သာယာဝတီခရိုင် တပ်ရင်း ၃၈၀၂၊ တပ်ခွဲ ၄ မြေအောက်ပြောက်ကျားတပ်ဖွဲ့-အုတ်ဖိုမှ ရဲဘော်များက အဝေးထိန်းမိုင်းဖြင့် ဖောက်ခွဲတိုက်ခိုက်ခဲ့ခြင်းဟု ၎င်းက ပြောသည်။
“အမြဲနေ နှစ်ယောက်ရှိပါတယ်။ အုပ်ကြီးက သူ့အိမ်မှာ မနေရဲဘူးလေ။ မြို့မစခန်းနားကပ်လျက် မြို့မရပ်ကွက် အုပ်ကြီးရုံးမှာ နေတာပါ”ဟု စစ်ကောင်စီအုပ်ချုပ်ရေးမှူးရုံးအခြေ အနေကို မြေအောက်ပြောက်ကျားတပ်ဖွဲ့- အုတ်ဖိုမှ တပ်ခွဲမှူးရဲဘော်ဒေဝက လူထုနွေဦးသို့ ပြောသည်။
Public Service Announcement
ဖောက်ခွဲတိုက်ခိုက်မှုအတွင်း စစ်ကောင်စီအုပ်ချုပ်ရေးအဖွဲ့မှ ပြုစုထားသော စစ်မှုထမ်းစာရင်းမှတ်တမ်းများ စုပ်ပြဲပျက်စီးကာ ရုံးအတွင်းရှိနေသူနှစ်ဦးထိခိုက်သွားပြီး ယင်းထိခိုက်သူများတွင် စစ်ကောင်စီခန့်အုပ်ကြီး ပါ၊မပါ မသိရသေးကြောင်း ၎င်းက ဆက်ပြော သည်။
တိုက်ခိုက်ခံရပြီးနောက် အုတ်ဖိုမြို့နယ်ရဲစခန်းရှိ စစ်ကောင်စီတပ်သာများ အုပ်ချုပ်ရေးရုံးသို့ရောက်ရှိလာပြီး အနီးပတ်ဝန်းကျင်အား သေနတ်ဖြင့် ရမ်းသမ်းပစ်ခတ်ခဲ့ကြောင်း ဒေသခံများထံမှ စုံစမ်းသိရသည်။
ထို့အပြင် အုပ်ချုပ်ရေးရုံးအနီး လမ်းပိုင်းအချို့ကို စစ်ကောင်စီတပ်က တားဆီးပိတ်ဆို့၍ ရှာဖွေစစ်ဆေးမှုများလုပ်ဆောင်ခဲ့ကြောင်း သိရသည်။
“မြို့လယ်မှာ မိုင်းကွဲပြီး စကစ ဘက်က ခြောက်လှန့်ပစ်ခတ်တဲ့ သေနတ်သံက တိုက်ပွဲ တစ်ခုလောက်ကို သူတို့ကျည်ကုန်မှာ သေချာတယ်”ဟု မြေအောက်ပြောက်ကျားတပ်ဖွဲ့-အုတ်ဖိုမှ တပ်ခွဲမှူးရဲဘော်ဒေဝ က ပြော သည်။
လတ်တလောတွင် စစ်ကောင်စီက အုတ်ဖိုမြို့အဝင်၊ အထွက်အား ယခင်အကြိမ်များကအ တိုင်း လုံခြုံရေးတင်းကြပ်ခြင်းမပြုဘဲ မြို့အ ခြေအနေ ပုံမှန်ဖြစ်နေဟန်ဖြင့် မည်သည့်လှုပ် ရှားမှုမှမတွေ့ဘဲ ငြိမ်နေခြင်းမှာ ကောင်းသည့်အခြေအနေမဟုတ်၍ ပြည်သူများသတိပြုသွားလာနေထိုင်ကြရန် မြေအောက်ပြောက် ကျားတပ်ဖွဲ့-အုတ်ဖိုက အသိပေးတိုက်တွန်းထားသည်။
