ဇူလိုင် -၃၁ ၊ ၂၀၂၅ ၊ ဆိုင်းမင်း/People’s Spring
မန္တလေး – ပြင်ဦးလွင်လမ်းပိုင်း ရဲ့အဆင်းလမ်းမှာဒီနေ့ ဇူလိုင် ၃၁ ရက်ညပိုင်းက ကား နှစ်စီး တိုက်မိပြီး တစ်စီး လမ်းဘေးချောက်ထဲကျပြီး ကားပေါ် ပါလာသူ နှစ်ဦး သေဆုံးသွားတယ်လို့ ကူညီရေးလုပ်ဆောင်ပေးခဲ့သူတွေထံက သိရပါတယ်။
ဒီနေ့ ညပိုင်း ၉ နာရီခန့်က မန္တလေး – ပြင်ဦးလွင် အဆင်းလမ်းပိုင်း ၁၉ မိုင် အိုးတစ်လုံးကွေ့ မှာ အံစာတုန်း လို့ခေါ်တဲ့ TOYOTA HIACE ကားနဲ့ တွဲကား တိုက်မိတာလို့သိရပါတယ်။
ယာဉ်တိုက်မှုဖြစ်ပွားရတဲ့အကြောင်းရင်းကိုတော့ မသိရသေးပါဘူး။
Public Service Announcement
အဲဒီ ဖြစ်စဉ်မှာ တွဲကားက လမ်းဘေး ချောက်ထဲ ကျသွားပြီး ကားပေါ် ပါတဲ့ အမျိုးသား နှစ်ဦး နေရာမှာတင်သေဆုံးသွားပါတယ်။
ကနဦး သိရတာကတော့ သေဆုံးသူတွေဟာ တွဲကားက ယာဉ်မောင်းနဲ့ ယာဉ်အကူအမျိုးသားတို့ဖြစ်တယ်လို့ သိထားရပါတယ်။
“ပြုတ်ကျတဲ့ ချောက်အနက်က ပေ ၁၀၀လောက်တော့ရှိမယ်”လို့ ကူညီကယ်ဆယ်ရေးမှာပါဝင်သူတစ်ဦးကပြောပါတယ်။
သေဆုံးသွားတဲ့ အမျိုးသား နှစ်ဦးရဲ့ ရုပ်အလောင်းတွေကိုတော့ ပြင်ဦးလွင်ဆေးရုံကြီးဆီ ပို့ထားပါတယ်။
ဓာတ်ပုံ – သန္တိသုခအခမဲ့လူမှုကူညီရေးအသင်း
