က​လေး PDFမှ ​ပျောက်ဆုံး​နေသည့် တပ်သားနှစ်ဦးနှင့် ​ဆေးတပ်သားအမျိုးသမီးတို့၏ ရုပ်အ​လောင်းများတွေ့ရှိ

အကြမ်းဖက်စစ်ကောင်စီတပ် ဝင်ရောက်စီးနင်းစဉ် ပျောက်ဆုံးနေသည့် ကလေးမြို့ပြည်သူကာကွယ်ရေးတပ်ဖွဲ့စခန်းမှ အမျိုးသားနှစ်ဦးနှင့် ​ဆေးတပ်သားအမျိုးသမီးတစ်ဦးတို့၏ ရုပ်အ​လောင်းများကို တွေ့ရှိခဲ့ကြောင်း PDF(က​လေး)တပ်ဖွဲ့မှ တာဝန်ရှိသူတစ်ဦးက ​ပြောသည်။

​တွေ့ရှိသည့် ရုပ်အလောင်းများမှာ သေနတ်ဒဏ်ရာဖြင့်သေဆုံးနေခြင်းဖြစ်သည်ဟု ၎င်းက​ ပြောသည်။အကြမ်းဖက်စစ်တပ်က စခန်းသိမ်းပြီးချိန်တွင် နဖူးတည့်တည့်ကို သေနတ်ဖြင့် ပစ်သတ်ခဲ့ခြင်းဖြစ်နိုင်ကြောင်း PDF(က​လေး) တပ်ဖွဲ့မှ တာဝန်ရှိသူက ပြောသည်။

နိုဝင်ဘာ ၁၇ရက် ၈နာရီခွဲခန့်က ကလေး-PDF တပ်ရင်း (၃) စခန်းကို အကြမ်းဖက်စစ်ကောင်စီတပ်များက အင်းအားအလုံးအရင်းဖြင့် ၀င်ရောက်စီနင်းခဲ့ခြင်းဖြစ်သည်။ ထိုစခန်းတွင် နေမကောင်းဖြစ်နေသည့် တပ်သားနှစ်ဦးနှင့် ဆေးတပ်သားအမျိုးသမီး ၁၀ ဦးသာရှိနေချိန်ဖြစ်သည်။

​တွေ့ရှိသည့် ရုပ်အလောင်းများကို ကောင်းမွန်စွာ သဂြိုလ်ပေးခဲ့သည်ဟု ဆိုသည်။ ကျန်အမျိုးသမီးဆေးတပ်ဖွဲ့ ၉ ဦးကို အကြမ်းဖက်စစ်ကောင်စီက ဖမ်းဆီးခေါ်ဆောင် သွားခဲ့ပြီး ယ​နေ့ (နိုဝင်ဘာ ၁၈ ရက်)နံနက်ပိုင်းတွင် နဂါးပွက်ရွာသို့ ပြောင်းရွှေ့​ခေါ်​ဆောင်သွားသည်ဟု PDF(ကလေး)က ထုတ်ပြန်ထားသည်။

Public Service Announcement

ယနေ့နံနက် ၁၀ နာရီခွဲခန့်တွင် PDF (က​လေး) တပ်ဖွဲ့ဝင်များက နဂါးပွက်ရွာအတွင်း တပ်စွဲထားသော အကြမ်း ဖက်စစ်ကောင်စီတပ်ဖွဲ့များကို သွားရောက်ပစ်ခတ်တိုက်ခိုက်ခဲ့သည်။ ထိုတိုက်ခိုက်မှုကြောင့် ဒေသခံကာကွယ်ရေးတပ်များနှင့် အကြမ်းဖက်စစ်ကောင်စီတပ်တို့ကြား တိုက်ပွဲများပြင်းထန်နေသည်။