ဝန်းသိုကစစ်ကြောင်းကို PDF​တွေတိုက်ခိုက် စစ်သား၃၀ ခန့်​သေဆုံးပြီး စစ်သုံ့ပန်း၅ဦးဖမ်းမိ

စက်တင်ဘာ၉၊၂၀၂၅၊မေ/People’s Spring

ဝန်းသိုမြို့ကထွက်လာတဲ့စစ်တပ်စစ်ကြောင်းတိုက်ခိုက်ခံရပြီးစစ်သား ၃၀ ခန့်သေဆုံးပြီးစစ်သုံ့ပန်း ၅ဦးဖမ်းမိပြီး လက်နက်အများအပြား သိမ်းယူနိုင်ခဲ့တယ်လို့ တော်လှန်ရေး တပ်တွေဆီကသိရပါတယ်။

စက်တင်ဘာလပထမပတ်က ဝန်းသိုမြို့အနီး စစ်တပ်ရဲ့ အမှတ် (၁၁၁) ​ခြေမြန်တပ်ရင်း (ခမရ ၁၁၁) နဲ့ အမှတ်၁၂၀ ခြေမြန်တပ်ရင်း (ခမရ၁၂၀)တို့ကစစ်ကောင်စီတပ်သားတွေဟာ ဝန်းသိုမြို့ရဲ့ အရှေ့ဘက်က ထောက်ကြန့်‌​တောရွာကို စစ်​ကြောင်းထိုးလာချိန် မှာ ​တော်လှန်​ရေးတပ်​တွေက တိုက်ခိုက်ခဲ့တာလို့ ​တော်လှန်​ရေးတပ်ဖွဲ့ဝင်အချို့က​ပြောတယ်။

ကောလင်း PDFတပ်ရင်းတွေအပါအဝင် ပူး ပေါင်းအဖွဲ့ တွေကထောက်ကြန့်တော ရွာကို ဝင်ရောက်စီးနင်းတိုက်ခိုက်ခဲ့တာဖြစ်ပြီးစစ်တပ်ရဲ့စစ်ကြောင်းကဖရိုဖရဲ ထွက်ပြေးသွားတာလို့စုံစမ်းသိရပါတယ်။

Public Service Announcement

“တိုက်ပွဲက ၃ ရက် လောက်ဖြစ်တာ။တောထဲကို စစ်သား တွေထွက် ပြေးသွားလို့ အကုန်ပိတ်ပြီး လိုက်ဖမ်းကြတာ။အလက်တွေလည်းရတယ်”လို့ တော်လှန်ရေး တပ်ဖွဲ့ဝင်တဦး ကပြောပါတယ်။

တိုက်ပွဲအပြီးမှာ စစ်ကောင်စီတပ်သား တွေရဲ့ အ လောင်း (၃၀) ဝန်းကျင်ရရှိခဲ့ပြီး ‌‌‌‌‌‌‌‌‌‌‌‌‌‌‌‌စစ်သုံ့ပန်း၅ဦးဖမ်းမိခဲ့တယ်လို့လည်းသူကဆက်​ပြောပါတယ်။

စစ်တပ်က ကန့်ဘလူ၊ကောလင်းနဲ့ ဝန်းသိုမြို့နယ်တို့မှာ နယ်မြေစိုးမိုးမှုရဖို့ စစ်ကြောင်းတွေ ထိုးလာတာဖြစ်ပါတယ်။