စစ်ကိုင်းမြို့နယ်မှာ စစ်ကြောင်းထိုးတဲ့စစ်တပ်ရဲ့ ရုပ်အလောင်းတွေတွေ့

စက်တင်ဘာ-၁၉၊၂၀၂၅၊မေ/ People’s Spring

စစ်ကိုင်းမြို့နယ်မှာ လှည့်ပတ်စစ်ကြောင်းထိုးနေတဲ့စစ်တပ် မိုင်းမိပြီး သေဆုံးနေတဲ့ ရုပ်အလောင်း ၅လောင်းတွေ့ထားတယ်လို့ ဒေသခံတွေက ပြောပါတယ်။

စစ်ကိုင်းမြို့နယ်အရှေ့ခြမ်းက စမွန်းနဲ့ခက်ခကျေးရွာကြားမှာ စစ်ကောင်စီတပ်သားတွေ မိုင်းမိပြီး အဲဒီအနီးမှာပဲ အလောင်းတွေကို မြေမြှုပ်ထားခဲ့တာလို့ သိရပါတယ်။

“အခုထိ နယ်မြေအကုန်မရှင်းလင်းရသေးဘူး။လောလောဆယ် ၅လောင်းတွေ့ထားတယ်”လို့ ဒေသခံတဦးက ပြောပါတယ်။

Public Service Announcement

ဒါ့အပြင် အဲဒီစစ်ကြောင်းဟာ ခက်ခအနောက်ရွာဘုန်းကြီးကျောင်းကိုဝင်ပြီး ကျောင်းထိုင်ဘုန်းကြီးကို သတ်ကာ “စစ်တပ်ကို နိုင်ချင်ရင် -က်ခံလိုက်)ဆိုတဲ့ စာကို ဘုရားရင်ပြင်မှာ ရေးသွားတယ်လို့လည်း သိရပါတယ်။

အဲဒီ စစ်ကြောင်းဟာ မင်းကွန်းတိုက်နယ်ဘက်ကနေ စစ်ကိုင်း၊ဝက်လက်နဲ့ မတ္တရာမြို့နယ် သုံးနယ်အစပ်နေရာတွေကို စစ်ကြောင်းထိုး သတ်ဖြတ်ခဲ့တဲ့ စစ်ကြောင်းလို့ သိရပါတယ်။

စစ်ကြောင်းဟာ ဇူလိုင်လကနေစက်တင်ဘာအထိ အဲဒီသုံးမြို့နယ်အတွင်းမှာကျောင်းထိုင် ဆရာတော်တွေအပါအဝင် ပြည်သူ ၃၀ ကျော်ကို သတ်ဖြတ်ခဲ့တယ်လို့လည်း သိရပါတယ်။

လက်တလောမှာ အဲဒီစစ်ကြောင်းဟာ စစ်ကိုင်းမြို့နယ်အနောက်ခြမ်း၊အောင်ဇေယျကျေးရွာမှာတပ်စွဲထားတဲ့ စစ်ကြောင်းနဲ့ ပူးပေါင်းသွားတယ်လို့ သိရပါတယ်။