စက်တင်ဘာ-၂၄၊၂၀၂၅၊မေ/People’s Spring
မန္တလေးမြို့မှာ မီးပျက်လွန်းတာကြောင့် အဓိက မီးပွိုင့်တွေပါပျက်လို့ ရွေ့လျားမီးပွိုင့်အသုံးပြု နေရပြီး လမ်းမအလယ်ချထားတဲ့ မီးပွိုင့်စက်ကြီးအခိုးခံရမှာလို့ မြို့ခံတွေက လှောင်ပြောင်နေကြပါတယ်။
ယာဉ်ကြောပိတ်ဆို့်မှုကြောင့် ရွေ့လျားမီးပွိုင့်စနစ်ကို စတင်အသုံးပြုတယ်ဆိုပြီး ယခုတပတ်အတွင်း မန္တလေးစည်ပင်ရဲ့ ညွှန်ကြားချက်နဲ့ ဒီစနစ်ကို စတင်အသုံးပြုခဲ့တာလို့ သိရပါတယ်။
ဒါပေမယ့် ဒီနေ့မှာပဲ မန္တလေးရဲ့ အဓိကမိန်းလမ်းမ တခုဖြစ်တဲ့ ၂၆လမ်း(ကျုံးတောင်ဘက်လမ်း)၊၇၃ မီးပွိုင့်မှာ မီးပျက်ပြီး မီးပွိုင့်မလာတာကြောင့် ရွေ့လျားမီးပွိုင့်စနစ်ကို သုံးနေရတယ်လို့ မျက်မြင်တွေ့သူတွေက ပြောပါတယ်။
Public Service Announcement
“ရယ်ချင်စရာကြီး။အဲတာကြီးကို လမ်းအလည် ခေါင်ကြီးမှာချထားတာ။လူတွေကကြည့် နေကျ အပေါ်မီးပွိုင့်ကို ကြည့်နေကြတာ။အပေါ်မီးပွိုင့်က မလာတာ့ ဖြတ်ချင်သလို ဖြတ်သွားကြတာ။မီးပွိုင့်ကြီးပဲ လူခိုးသွားအုံးမယ်။မော် တော်ပီကယ်ကလည်း ကြောင်တောင်တောင်နဲ့ကြည့်နေတယ်”လို့ မြို့ခံတဦး ကပြောပါတယ်။
လုယက်မှုနဲ့ ခိုးယူမှု များပြားကာ တရားဥပဒေစိုးမိုးမှုနည်းပါးတာတွေကြောင့် ဒီမီးပွိုင့်ကိုလည်း လူခိုးစရာတခုလို မြို့ခံတွေက လှောင်ပြောင်နေကြတာပါ။
မန္တလေးမြို့မှာ ၂၀၂၁စစ်တပါအာဏာသိမ်းပြီး နောက်ပိုင်း မီးပေးနိုင်မှု ရာခိုင်နှုန်းက ၅၀ရာခိုင်နှုန်းအောက်မှာပဲ ရှိပြီး မီးပွိုင့်အများစုလည်း ပျက်နေကာ ယာဉ်ကြောပိတ်ဆို့မှု ဆိုးဆိုးရွားရွားဖြစ်နေတာပါ။
