အောက်တိုဘာ – ၂ ၊၂၀၂၅ ၊ဆိုင်းမင်း/People’s Spring
မန္တလေးတက္ကသိုလ် ရာပြည့်ပွဲကို အာဏာသိမ်းစစ်ကောင်စီခေါင်းဆောင် တက်ရောက်မှာဖြစ်တဲ့အတွက် မြို့ရဲ့နေရာအနှံ့မှာ ဒီနေ့ အောက်တိုဘာလ ၂ ရက်ကစတင်ပြီး စစ်တပ်ကပိတ်ဆို့ ရှာဖွေစစ်ဆေးနေတယ်လို့ မြိုခံတွေဆီက သိရပါတယ်။
စစ်တပ်က အဓိကဦးဆောင်ပြီး ဆိုင်ကယ် Tool Box တွေကိုဖွင့်စစ်တာ ၊ ကား နောက်ခန်းတွေ ကို ဖွင့်ပြခိုင်းတာအပြင် လိုင်စင်မဲ့ယာဉ် ဟုတ်၊မဟုတ်ပါ စစ်ဆေးနေတာလို့ သိရပါတယ်။
“နေရာတိုင်းမှာ စစ်နေတာ ၊ဒီနေ့တစ်ရက်တည်းကို သုံးခေါက်ရှိပြီ စစ်ခံနေရတာ”လို့ ကုန်ပစ္စည်းပို့ဆောင်ရေးဝန်ဆောင်မှုလုပ်ငန်း လုပ်ကိုင်တဲ့ အမျိုးသားတစ်ဦးကပြောပါတယ်။
Public Service Announcement
မြို့တွင်း စစ်ဆေးရာမှာ တစ်ဖွဲ့ကို စစ်သား ၊ ရပ်ကျေးလုံခြုံရေး(အပြာဝတ်)တွေအပါအဝင် အင်အား ၃၀နီးပါးရှိတယ်လို့ သိရပါတယ်။ ဒါအပြင် မြို့အစွန့်က နေရာတွေမှာ ဘေးတွဲယာဉ်တွေ ၊ လိုင်စင်မဲ့ကားတွေကိုပါ လိုက်လံ စစ်ဆေးတာရှိနေပါတယ်။
မန္တလေးတက္ကသိုလ်ရာပြည့်ပွဲကို အောက်တိုဘာ ၄ ရက်ကစတင်ကာ သုံးရက်ကြာ ကျင်းပမှာဖြစ်ပါတယ်။ဖွင့်ပွဲနေ့ကို စစ်ကောင်စီခေါင်း ဆောင်တက်ရောက်မှာပါ။ ဒါကြောင့် ရာပြည့်ပွဲကို လုံခြုံရေးတင်းကြပ်ထားသလို ပွဲဝင်ခွင့်ကိုလည်း ကန့်သတ်ထားတယ် သိရပါတယ်။
