မုံရွာမြို့ရှိ PDFစခန်းတစ်ခုအား အကြမ်းဖက်စစ်ကောင် စီတပ်က ဝင်စီးစဥ် မိုင်းဆွဲတိုက်ခိုက်ခံရသောကြောင့် စစ်ကောင်စီတပ်သားလေးဦးသေပြီး လေးဦးဒဏ်ရာရရှိခဲ့ကြောင်း မုံရွာလျှပ်စီးအဖွဲ့( Monywa Lightning PDF)က ထုတ်ပြန်သည်။
ယနေ့ (နိုဝင်ဘာ ၂၆ ရက်) နံနက် ၅နာရီခန့်က မုံရွာမြို့နယ် ညောင်ဖြူပင်စခန်းမှ စစ်ကောင်စီတပ်သား ၁၀၀ ခန့်ဖြင့် တောတွင်းတစ်နေရာမှ PDF စခန်းတစ်ခုအားဝင်ရောက်စီးနင်းပြီး မီးရှို့ ဖျက်စီးနေစဥ် မုံရွာလျှပ်စီးအဖွဲ့ (Monywa Lightning PDF)က မိုင်းဆွဲတိုက်ခိုက်ခဲ့ခြင်းဖြစ်သည်။
မိုင်းဆွဲတိုက်ခိုက်မှုကြောင့် စစ်ကောင်စီတပ်သား လေးဦး နေရာတွင်ပွဲချင်းပြီးသေဆုံးကာ ကျန်လေးဦးမှာပြင်းထန်ဒဏ်ရာများ (စိုးရိမ်ရ)ရရှိခဲ့သည်ဟု မုံရွာလျှပ်စီးအဖွဲ့က ဆိုသည်။
စစ်ကောင်စီတပ်၏ ဝင်စီးခံရသော PDF စခန်းရှိ ပြည်သူ့တပ်ဖွဲ့များ ဖမ်းဆီးခံရမှုနှင့် ထိခိုက်သေဆုံးမှုမရှိသော် လည်း စခန်းရှိတဲအချို့နှင့် ရိက္ခာများဖျက်ဆီးခံခဲ့ရသည်ဟု သိရသည်။
Public Service Announcement
ယခုလအတွင်း မုံရွာမြို့ရှိ PDF စခန်းသုံးခု ဝင်ရောက်စီးနင်းခံရစဥ် သုံးဦးဖမ်းဆီးခံခဲ့ရကြောင်း စစ်ကိုင်းတိုင်းပြည်သူကာကွယ်ရေးတပ်ဖွဲ့က ထုတ်ပြန်ထားသည်။
