အောက်တိုဘာ-၃၀၊၂၀၂၅၊ရှိန်း/ People’s Spring
မန္တလေးတိုင်း၊ စဉ့်ကူးမြို့နယ်က လက်ပန်လှကျေးရွာကို စစ်ကောင်စီတပ်က လေကြောင်းတိုက်ခိုက်ခဲ့ရာ အသက် ၁၃ နှစ်အရွယ် မိန်းကလေးငယ်နဲ့ အမျိုးသမီး တစ်ဦး တို့ သေဆုံးပြီး သုံးဦး ထိခိုက် ဒဏ်ရာရခဲ့တယ်လို့ ဒေသခံတွေက ပြောပါတယ်။
ဒီနေ့ (အောက်တိုဘာ ၃၀ ရက်)နေ့လယ် ၁၂ နာရီ ၇ မိနစ်ကနေ ၁၂ နာရီ ၁၅ မိနစ် အတွင်း မိတ္ထီလာ၊ရှမ်းတဲ လေတပ် က တက်လာတဲ့ ဂျက်တိုက်လေယာဉ် နဲ့ လေးကြိမ်ဆက်တိုက်လေကြောင်းတိုက်ခိုက်ခဲ့တာလို့ သိရပါတယ်။
လေကြောင်းတိုက်ခိုက်မှုမှာ လက်ပန်လှကျေးရွာက လူနေအိမ်ပေါ်ကျပြီး ၁၃ နှစ်အရွယ် မိန်းကလေး သေဆုံးကာ အမျိုးသားတစ်ဦးနဲ့ အမျိုးသမီးနှစ်ဦးတို့ ထိခိုက်ဒဏ်ရာတွေရခဲ့တာလို့ သိရပါတယ်။ ဒဏ်ရာရသွားသူတွေထဲက အမျိုးသမီးတစ်ဦး ထပ်မံ ဆုံးပါးခဲ့ရပါတယ်။
Public Service Announcement
ဒါအပြင် နေအိမ်အဆောက်အဦး သုံးလုံးထိခိုက်ပျက်စီးခဲ့တယ်လို့ သိရပါတယ်။ စစ်ကောင်စီတပ်က လက်ပန်လှရွာကို မကြာခဏ လေကြောင်းက နေဗုံးကြဲနေပြီး ပြည်သူထိခိုက်သေဆုံးမှု အများအပြားရှိခဲ့ပါတယ်။
မနေ့ကလည်း စဉ့်ကူးမြို့ရဲ့ အနောက်ဘက်က ဧရာဝတီမြစ်ကူးတံတား ကျိုးကျခဲ့ပြီး စစ်တပ်က တစ် နေ့လုံး လေယာဉ်တွေနဲ့ ဗုံးကြဲ တိုက်ခိုက်ခဲ့တယ်လို့ သိရပါတယ်။
