'/%3E%3C/svg%3E){kind=small}
ဒီဇင်ဘာ-၂၈၊၂၀၂၅။ သုည/People’s Spring
မန္တလေးနဲ့ စစ်ကိုင်းတိုင်းအတွင်းက သပိတ်အဖွဲ့တွေ၊ ဒေသခံပြည်သူတွေဟာ စစ်ကောင်စီရဲ့ရွေးကောက်ပွဲကို ဆန့်ကျင်ကြောင်း ဆန္ဒပြသပိတ်လှုပ်ရှားမှုတွေကို ဒီကနေ့ (ဒီဇင်ဘာ ၂၈) မှာ အသီးသီး ပြုလုပ်ခဲ့ပါတယ်။
မန္တလေးတိုင်း ညောင်ဦးမြို့နယ်မှာ စစ်ကောင်စီရဲ့ ရွေးကောက်ပွဲ ဆန့်ကျင်တဲ့ စတေကာကမ်ပိန်းလှုပ်ရှားမှုကို ညောင်ဦးမြို့နယ် ပအဖအဖွဲ့ဝင်တွေနဲ့ ညောင်ဦးမြို့နယ် လူ့အခွင့်အရေးတာဝန်ခံတို့ပူးပေါင်းပြီး ပြုလုပ်ခဲ့ကြပါတယ်။
စစ်ကိုင်းတိုင်း ယင်းမာပင်မြို့နယ်မြောက်ခြမ်းမှာလည်း ပြည်သူ့အားမာန် သပိတ်စစ်ကြောင်းနဲ့ ရွှေဥက္ကံ လူထုသပိတ်စစ်ကြောင်းတို့ဟာ “ဖက်ဆစ်ရွေးကောက် ခွေးထွက်ပေါက် မဲမပေးနဲ့ သပိတ်မှောက်” စာသားကိုင်ဆောင်ပြီး စစ်ကောင်စီရဲ့ ရွေးကောက်ပွဲကို ဆန့်ကျင်ကန့်ကွက်ကြောင်း ချီတက် ဆန္ဒပြခဲ့ကြပါတယ်။
Public Service Announcement
အလားတူ ယင်းမာပင်မြို့နယ် ကျေးရွာတစ်ရွာမှာလည်း ရွှေဥက္ကံ လူထုသပိတ်စစ်ကြောင်းနဲ့ ဒေါင်းသွေးနီ သပိတ် စစ်ကြောင်းတို့က စစ်အာဏာရှင်စနစ်ကို အလိုမရှိကြောင်းနဲ့ စစ်ကောင်စီရွေးကောက်ပွဲကိုဆန့်ကျင်ကြောင်း လူထုသပိတ်ဖော်ဆောင်ခဲ့ပါတယ်။
