မန္တလေးမြို့ရှိ စစ်ကောင်စီတပ်များ တပ်စွဲထားသည့် အုပ်ချုပ်ရေးမှူးရုံးတစ်ရုံးကို ဗုံးခွဲတိုက်ခိုက်ခဲ့ကြောင်း Mandalay Phoenix Force – MPF က ယနေ့ (ဒီဇင်ဘာ ၇)ည ထုတ်ပြန်သည်။
ယနေ့ည ၇ နာရီခန့်တွင် မန္တလေးမြို့ ၃၅ လမ်း၊ ၅၉ လမ်းနှင့် လမ်း ၆၀ ကြားရှိ စစ်ကောင်စီတပ် တပ်စွဲထားသည့်ရုံးကို လက်ပစ်ဗုံးဖြင့် ပစ်ခတ်တိုက်ခိုင်ခဲ့သည်ဟု ထုတ်ပြန်ချက်တွင် ဖော်ပြထားသည်။
ထိုတိုက်ခိုက်မှုအတွင်း စစ်ကောင်စီတပ်များဘက်မှ ထိခိုက်ကျဆုံးမှုရှိနိုင်ပြီး ထိခိုက်မှုအခြေအနေများသိရပါက ပြည်သူများမှ ပြန်လည်သတင်းပို့ပေးကြရန် MPF က တောင်းဆိုထားသည်။
“အိမ်ကို ခဲလုံးတောင်လာမှန်တယ်။ ပေါက်ကွဲသံလည်း အကျယ်ကြီးပဲ”ဟု အခင်းဖြစ်နေရာအနီးရှိ ဒေသခံတစ်ဦးက ပြောသည်။
Public Service Announcement
ယနေ့(ဒီဇင်ဘာ ၇)မနက်ပိုင်းကလည်း မန္တလေးမြို့တော်စည်ပင်သာယာရေးကော်မတီရုံးနှင့် ၆၂ လမ်းနှင့် သိပ္ပံလမ်းရှိ ယာဥ်ထိန်းရုံးတွင်လည်း ပေါက်ကွဲမှုများ ဖြစ်ပွားခဲ့သည်။
