'/%3E%3C/svg%3E){kind=small}
အကြမ်းဖက်စစ်ကောင်စီသည် ၎င်းတို့၏ ရှုံးနိမ့်မှုများကြောင့် အမျိုးမျိုးဖိနှိပ် ရက်စက်အကြမ်းဖက်သည့် အနေအထားမျိုးများ ပိုမိုတွေ့လာရကြောင်း အမျိုးသားညီညွတ်ရေးအစိုးရ(NUG) ပြည်ထောင်စုဝန်ကြီးချုပ် မန်းဝင်းခိုင်သန်းက ပြောသည်။
အမျိုးသားညီညွတ်ရေးအစိုးရ ကြားကာလဒေသန္တရ ပြည်သူ့အုပ်ချုပ်ရေးဖော်ဆောင်မှု ဗဟိုကော်မတီ အစည်းအဝေး ယနေ့ ကျင်းပရာ၌ လတ်တလော စစ်ကောင်စီ၏ အကြမ်းဖက်လုပ်ရပ်များအပေါ် မီးမောင်းထိုး ပြောကြားခြင်းဖြစ်သည်။
နိုင်ငံရေးနယ်ပယ်မှ သံအမတ်ကြီး ဦးကျော်မိုးထွန်း ကုလသမဂ္ဂ၌ နေရာဆက်လက်ရှိနေခြင်းသည် အာဏာသိမ်းအကြမ်းဖက်စစ်ကောင်စီ၏ အရှိုက်ကို ထိုးသွင်းနိုင်သကဲ့သို့ NUG အစိုးရအဖွဲ့အတွက် လည်းများစွာဝမ်းမြောက်ဂုဏ်ယူစရာ အခြေအနေဖြစ်ကြောင်းဝန်ကြီးချုပ်က ဆိုသည်။
စစ်ကောင်စီအနေဖြင့်လည်း ဆန္ဒပြလူငယ်များအား နောက်မှ ကားဖြင့်ဝင်တိုက်ခြင်း၊ မီးရှို့သတ်ဖြတ် ခြင်းများ လုပ်ဆောင်ခဲ့ရာ ယင်းဖြစ်ရပ်များသည် ရင်နာစရာများဖြစ်ပြီး အကြမ်းဖက်စစ်ကောင်စီ၏ ရက်စက်ယုတ်မာသော အပြုအမူများဖြစ်ကြောင်း ပြည်ထောင်စု ဝန်ကြီးချုပ်က ပြောသည်။
Public Service Announcement
အစည်းအဝေးသို့ ပြည်ထဲရေးနှင့် လူဝင်မှုကြီးကြပ်ရေးဝန်ကြီးဌာန ပြည်ထောင်စုဝန်ကြီး ဦးလွင်ကိုလတ်၊ ဒုတိယပြည်ထောင်စုဝန်ကြီး ခူးထဲဘူးတို့ တက်ရောက်ခဲ့ရာ မြေပြင်ပြည်သူ့အုပ်ချုပ်ရေးအဖွဲ့များ ဖွဲ့စည်းထားမှုအခြေအနေ၊ နယ်မြေဆိုင်ရာအုပ်ချုပ်ရေးကိစ္စရပ်များကို ဆွေးနွေးခဲ့ကြသည်ဟု ဆိုသည်။
