'/%3E%3C/svg%3E){kind=small}
မန္တလေး ၊ ချမ်းမြသာစည်မြို့နယ် သွားဘက်ဆိုင်ရာဆေးတက္ကသိုလ်ရှေ့မှာ ဆိုင်ကယ်စီး ဇနီးမောင်နှံ ဟာ ဒီနေ့မနက်ပိုင်းက သေနတ်နဲ့ပစ်ခတ်ခံရပြီးသေဆုံးသွားပါတယ်။
မနက် ၇ နာရီလောက်မှာ ဒီဖြစ်ရပ်ဖြစ်ခဲ့တာဖြစ်ပြီး သေဆုံးသွားသူ ဇနီးမောင်နှံအနက် အမျိုးသမီး ဟာ သူနာပြုဖြစ်ပြီးကိုယ်ဝန်ဆောင်ထားသူဖြစ်တယ်လို့သိရပါတယ်။
မြို့တော်ဆေးရုံမှာ အလုပ်လုပ်နေတဲ့ ဇနီးကိုအမျိုးသားက လိုက်လံပို့ဆောင်ပေးချိန်မှာ ဒီဖြစ်ရပ်ဆိုးနဲ့ကြုံခဲ့ရတာပါ။
သေနတ်ဒဏ်ရာကြောင့် ၂ ဦးလုံး သေဆုံးသွားပြီး အမျိုးသမီးဟာကိုယ်ဝန် ၄ လခန့် ရှိပြီလို့သိရပါတယ်။
Public Service Announcement
မနေ့က ညပိုင်းကလည်း မန္တလေးမြို့ ကျုံးဘေး ၂၆ လမ်း ၊ ၇၈ လမ်းထောင့်မှာ ဆိုင်ကယ် ၂ စီးနဲ့ လူငယ် ၄ ဦးကို စစ်ဆေးဖို့တားရာမှာရပ်မပေးလို့ ဆိုကာ စစ်ကောင်စီတပ်ဖွဲ့ဝင်တွေ သေနတ်နဲ့ပစ်ခတ်လို့ ၃ ဦး ဒဏ်ရာရသွားပြီး ၁ ဦးသေဆုံးခဲ့တဲ့ဖြစ်ရပ်လည်းဖြစ်ခဲ့ပါတယ်။
