ဧပြီ – ၆ ၊၂၀၂၆ ၊ ဆိုင်းမင်း/People’s Spring
ကချင်ပြည်နယ် မြစ်ကြီးနားမြို့၊ အေးမြသာယာရပ်ကွက်မှာ မနေ့(ဧပြီလ ၅ ရက်) ညနေပိုင်းမှာ ဓားဒဏ်ရာတွေနဲ့ သေဆုံးနေတဲ့ အမျိုးသားရုပ်အလောင်း တစ်လောင်းကိုတွေ့ခဲ့ရတယ်လို့ မြို့ခံအချို့ဆီကသိရပါတယ်။
အေးမြသာယာရပ်ကွက်၊ လမ်းသွယ် (၁၃) မှာ မနေ့ ညနေပိုင်းက လည်ပင်းနဲ့ ဝမ်းဗိုက်တို့မှာ ဓားဒဏ်ရာတွေရထားတဲ့ အမျိုးသားရုပ်အလောင်းကို ဆာလာအိတ်ထဲထည့်ပြီး စွန့်ပစ်ထားတာကိုတွေ့ရတာပါ။
“တခြားနေရာမှာ သတ်ပြီးတော့ အလောင်းကို လာပစ်သွားတဲ့ သဘောမျိုး”လို့မြို့ခံတစ်ဦးကပြောပါတယ်။
Public Service Announcement
သေဆုံးသူဟာ အသက် ၃၀ အရွယ် အမျိုးသားတစ်ဦးဖြစ်ပြီး ဘာကြောင့် သတ်ဖြတ်ခံရတယ်ဆိုတာတော့ အတိအကျမသိရသေးပါဘူး။
သေဆုံးသူရဲ့ ရုပ်အလောင်းကို လူမှုကူညီရေးအသင်းတစ်ဖွဲ့ က မြစ်ကြီးနားဆေးရုံကြီးဆီ ပို့ဆောင်ထားပါတယ်။ ဒါပေမယ့် သတ်ဖြတ်မှုကျုးလွန်သူတွေကို ဖမ်းမိတဲ့ သတင်းမျိုးမကြားရသေးဘူးလို့မြို့ခံဆီကသိရပါတယ်။
ပြီးခဲ့တဲ့ မတ်လ အစောပိုင်းတုန်းကလည်း မြစ်ကြီးနားမြို့၊ အေးမြ သာယာရပ်ကွက် သံလမ်းအနီးမှာ သေနတ်ဒဏ်ရာနဲ့ သေဆုံးနေတဲ့ အမျိုးသားတစ်ဦးရဲ့ ရုပ်အလောင်းကို မြိုခံတွေ တွေ့ခဲ့ရပါသေးတယ်။
