စစ်အာဏာသိမ်းမှုဆန့်ကျင်ရေးလှုပ်ရှားမှုများ ကမ္ဘာ့နိုင်ငံများတွင် ပြုလုပ်

အကြမ်းဖက်စစ်အာဏာသိမ်းမှုဆန့်ကျင်ရေးလှုပ်ရှားမှုများကို နိုင်ငံ ၅ နိုင်ငံရှိ အနည်းဆုံး မြို့ ၇ခုတွင် ပြုလုပ်ခဲ့ကြပြီး မြန်မာပြည်ကို ကယ်တင်ရန် တောင်းဆိုခဲ့ကြသည်။

‘မြန်မာပြည်ကို ကယ်တင်ဖို့ စစ်အကြမ်းဖက်မှုကို ရပ်တန့်စို့’ ကြွေးကြော်သံနှင့်အတူ ကမ္ဘာလုံးဆိုင်ရာလူ့အခွင့်အရေးသပိတ်များကို ဒီဇင်ဘာ ၁၁၊ ၁၂ ရက်များတွင် ဩစတြေးလျ၊ နယူးဇီလန်၊ အီတလီ၊ အမေရိကန်၊ တောင်ကိုရီးယား စသည့်နိုင်ငံများ၌ ပြည်ပရောက်မြန်မာများဦးဆောင် ပြုလုပ်ခဲ့ကြသည်။

‘ကုလသမဂ္ဂက NUG ကို လက်ခံရန်၊ စစ်တပ်ကို ငြင်း ပယ်ရန်’ ၊ ‘NUG က မြန်မာပြည်သူများ၏ တရားဝင်အစိုးရဖြစ်ပြီး ကြားဖြတ်အစိုးရမဟုတ်’ ၊ ‘ မြန်မာစစ်တပ်ကို အကြမ်းဖက်အဖွဲ့အစည်းအဖြစ်ကြေညာရန်’ ၊ ‘လူမဆန်ရက်စက်မှုတွေကို ရပ်တန့်ရေး စစ်တပ်ကို ငြင်းပယ်ရန်’ ၊ ‘ဒီမိုကရေစီကို ကယ်တင်ရေး NUG ကို အသိအမှတ်ပြုရန်’ စသည့် ပိုစတာများကို ကိုင်ဆောင် ဆန္ဒပြခဲ့ကြသည်။

ထို့အပြင် တောင်ကိုရီးယား၌ ‘ကမ္ဘာမကြေဘူး’ သီချင်းအပါအဝင် စစ်အာဏာသိမ်းမှုကို ဆန့်ကျင်သည့်ကြွေး ကြော်သံများဖြင့် မြို့အတွင်း လှည့်လည်လမ်းလျှောက်ဆန္ဒထုတ်ဖော်ခဲ့ကြသည်။

Public Service Announcement

အဆိုပါ ဆန္ဒပြပွဲများတွင် အဝေးရောက်မြန်မာများသာမက နိုင်ငံခြားသားများလည်းပါဝင်သည်ကိုတွေ့ရသည်။