'/%3E%3C/svg%3E){kind=small}
ဧပြီ-၁၁၊၂၀၂၆။ကဖေး/People’s Spring
ပန်းတောင်းမြို့က ကပစ(၁၆) ရဲ့ ကာကင်းစခန်းတွေကနေ ထွက်ပြေးလာတဲ့စစ်မှုထမ်းသင်တန်းဆင်းတွေက ရှေ့တန်းမှာ စစ်ကောင်စီတပ်ဖွဲ့ဝင်တွေရဲ့ နှိပ်စက်မှုတွေကို အာရက္ခတပ်တော်(AA)ထံထုတ်ဖော်ဝန်ခံထားပါတယ်။
AA ထံအလင်းဝင်တဲ့စစ်သားတွေ နဲ့ နဖူးမှာ တက်တူးထိုးခံရတဲ့ ပေါ်တာဆွဲခံရပြီး စစ်တပ်ထဲရောက်တဲ့စစ်သားတွေ ။ဓါတ်ပုံ-AA Info Desk AA ထံအလင်းဝင်တဲ့စစ်သားတွေ နဲ့ နဖူးမှာ တက်တူးထိုးခံရတဲ့ ပေါ်တာဆွဲခံရပြီး စစ်တပ်ထဲရောက်တဲ့စစ်သားတွေ ။ဓါတ်ပုံ-AA Info Desk AA ထံအလင်းဝင်တဲ့စစ်သားတွေ နဲ့ နဖူးမှာ တက်တူးထိုးခံရတဲ့ ပေါ်တာဆွဲခံရပြီး စစ်တပ်ထဲရောက်တဲ့စစ်သားတွေ ။ဓါတ်ပုံ-AA Info Desk
စစ်တပ်က ရန်ကုန်နဲ့ မန္တလေးအပါအဝင် မြို့နယ်အချို့ကနေ ပေါ်တာဆွဲပြီး ကပစ(၁၆) စစ်မြေပြင်ကို ပို့လိုက်သူတွေက ထွက်ပြေးလာပြီး အလင်းဝင်လာကြတာပါ။ ထွက်ပြေးလာတဲ့စစ်မှုထမ်းသင်တန်းဆင်းစစ်သားသစ်တွေရဲ့ထုတ်ဖော်ဝန်ခံချက်ကို AAက ဧပြီလ၁၁ရက်နေ့မှာသတင်းထုတ်ပြန်ထားပါတယ်။
ထွက်ပြေးသူတွေကို ပြန်ဖမ်းပြီးတပ်ရင်းနံပတ်တွေကို နဖူးမှာတက်တူးထိုးပြီး ပါးမှာစစ်ပြေးလို့ တက်တူးထိုးခံရတယ်လို့ အလင်းဝင်စစ်မှုထမ်းတွေက ပြောထားပါတယ်။
Public Service Announcement
“ကျွန်တော်တို့ကို အိမ်လည်းပြန်လို့မရအောင် ၊အိမ်မှာလည်း နေလို့မရအောင် ဒီလိုမျိုးတွေထိုးပေးထားတာဖြစ်ပါတယ် ။ဒီလိုတပ်ရင်းနမည်တွေထိုးလိုက်တော့သူတို့လည်းအလွယ်တကူဖမ်းရတယ်။
ကျွန်တော်တို့ကိုလည်း မြို့ပေါ်မှာအလွယ်တကူနေမရအောင် ထိုင်လို့မရအောင်ကျွန်တော်တို့ကိုလုပ်ပါတယ် ။နောက်ထပ် ထွက်မပြေးအောင်လည်းရှေ့ပွိုင့်ကိုပို့လိုက်ပါတယ်”လို့ မန္တလေးမြို့ မှာပေါ်တာဆွဲခံရပြီး စစ်ထဲရောက်ကာ ထွက်ပြေးလို့ဆိုပြီးစစ်တပ်က နဖူးမှာ တပ်ရင်းအမည်တက်တူးရေးထိုးပေးခံရတဲ့ တပ်သားကျော်မိုးဝင်းကပြောပါတယ် ။
ရခိုင်ပြည်နယ်နဲ့ ပဲခူးတိုင်းနယ်စပ်ထွက်ပေါက်မှာ စစ်ရေးအရ အဓိကကျတဲ့ ပန်းတောင်းမြို့က ၆၆၆ ပွိုင့်ကုန်းကို AAနဲ့မဟာမိတ်တွေက ပြီးခဲ့တဲ့ ဇန်နဝါရီလ ၂၈ရက်မှာသိမ်းယူခဲ့ပါတယ်။ အဲ့ဒီနောက် ကပစ(၁၆)ကို ဦးတည်ပြီး တိုက်ခိုက်နေတာဖြစ်ပါတယ်။
ပန်းတောင်းမြို့နယ်ဟာ AAသိမ်းယူထားတဲ့တောင်ကုတ်မြို့နယ် နဲ့ ဆက်စပ်နေပါတယ်။ စစ်ကောင်စီက ပြီးခဲ့တဲ့ ဖေဖော်ဝါရီလမှာပြုလုပ်ခဲ့တဲ့ ရွေးကောက်ပွဲမတိုင်ခင်လာအနည်းငယ်အကြာကတည်းက တောင်ကုတ်မြို့ကိုပြန်သိမ်းမယ်လို့ ကြွေးကြော်ပြီး ပဲခူးတိုင်းဘက်ကနေ စစ်ကြောင်းထိုးခဲ့တာဖြစ်ပါတယ်။ ဒါပေမယ့် စစ်ရှုံးပြီးအဓိကစခန်းတွေကိုပါထပ်မံဆုံးရှုံးနေသလို တိုက်ပွဲတွေက ကပစ(၁၆)အနီးအထိ ရောက်ရှိလာတာဖြစ်ပါတယ်။
လက်ရှိမှာ ကပစ(၁၆)ရှိတဲ့ မသုန်ရွာအနီးနဲ့ ပန်းကန်ကွဲရွာ၊ ညောင်ကျိုးကျေးရွာပတ်ဝန်းကျင် တွေမှာလည်း တိုက်ပွဲတွေဖြစ်နေပါတယ်။စစ်ကောင်စီကလေကြောင်းကနေနေ့စဉ် ဗုံးကြဲပြီး ခုခံနေတယ်လို့ သတင်းရရှိပါတယ်။
စစ်မှုထမ်းဥပဒေအကြောင်းပြပြီးမတရားဖမ်းဆီးခံထားရတဲ့ ပြည်သူ့စစ်မှုထမ်းသင်တန်းဆင်းတွေအနေနဲ့ အလင်းဝင်ကြဖို့နဲ့ လိုအပ်တာအကူအညီပေးမယ်လို့ AAနဲ့ မဟာမိတ်တွေကသတင်းထုတ်ပြန်ထားပါတယ်။
