မေ-၁၃၊ ၂၀၂၆။ ရှိန်း/People’s Spring
စစ်ကိုင်းတိုင်း၊ ဝက်လက်မြို့နယ်အရှေ့ခြမ်း နဘဲပင်လှကျေးရွာ ဘုန်းကြီးကျောင်းကို စစ်တပ်က လေကြောင်းတိုက်ခိုက်ခဲ့တာကြောင့် သံဃာ ၁ပါးနဲ့ ပြည်သူ ၁ဦးတို့ ထိခိုက်ဒဏ်ရာတွေ ရခဲ့တယ်လို့ ဒေသခံတွေက ပြောပါတယ်။
ဝက်လက်မြို့နယ်အရှေ့ခြမ်း နဘဲပင်လှကျေးရွာ ဘုန်းကြီးကျောင်းကို စစ်တပ်က ဒီနေ့ မေလ ၁၃ ရက် နေ့လယ် ၁၂နာရီခွဲလောက်မှာ ဂျက်ဖိုက်တာနဲ့ လေကြောင်းတိုက်ခိုက်သွားတာလို့ သိရပါတယ်။
(စစ်တပ်ရဲ့လေကြောင်းတိုက်ခိုက်မှုကြောင့် ပျက်စီးမှုတချို့ကို တွေ့ရစဥ်။ ဓာတ်ပုံ – CJ) 
(စစ်တပ်ရဲ့လေကြောင်းတိုက်ခိုက်မှုကြောင့် ပျက်စီးမှုတချို့ကို တွေ့ရစဥ်။ ဓာတ်ပုံ – CJ) (စစ်တပ်ရဲ့လေကြောင်းတိုက်ခိုက်မှုကြောင့် ပျက်စီးမှုတချို့ကို တွေ့ရစဥ်။ ဓာတ်ပုံ – CJ) (စစ်တပ်ရဲ့လေကြောင်းတိုက်ခိုက်မှုကြောင့် ပျက်စီးမှုတချို့ကို တွေ့ရစဥ်။ ဓာတ်ပုံ – CJ) (စစ်တပ်ရဲ့လေကြောင်းတိုက်ခိုက်မှုကြောင့် ပျက်စီးမှုတချို့ကို တွေ့ရစဥ်။ ဓာတ်ပုံ – CJ)
“ဘာမှမရှိဘူး အဲဒီနေရာမှာ။ စစ်ရှောင်လည်း မထားဘူး။ ဒီနေရာက ဘာမှမရှိတဲ့ နေရာကို ဝင်ပစ်သွားတာ”လို့ ဒေသခံတစ်ဦးက ပြောပါတယ်။
Public Service Announcement
လေကြောင်းတိုက်ခိုက်ခံရမှုမှာ ကိုရင်ကြီး ၁ပါးနဲ့ ပြည်သူ ၁ဦး ထိခိုက်ဒဏ်ရာ ရခဲ့တယ်လို့ ဆိုပါတယ်။
အဲဒီကျေးရွာ ဘုန်းကြီးကျောင်းကို စစ်တပ်က ၂၀၂၅ ခုနှစ် ဩဂုတ်လအတွင်းကလည်း လေကြောင်းတိုက်ခိုက်ခဲ့တာကြောင့် သံဃာ ၁ပါးအပါအဝင် ပြည်သူ ၃ဦး ထိခိုက်ဒဏ်ရာရခဲ့ပါသေးတယ်။
ဒီရက်ပိုင်းအတွင်း စစ်တပ်က ဝက်လက်မြို့နယ်နဲ့ ရွှေဘိုမြို့နယ်က ဘုန်းကြီးကျောင်းတွေကို လေကြောင်းတိုက်ခိုက်မှုတွေ ဆက်တိုက်ပြုလုပ်နေပါတယ်။ ရွှေဘိုမြို့နယ် မဲတောရွာကို စစ်တပ်က မေလ ၁၁ ရက်မှာ လေကြောင်းတိုက်ခိုက်ခဲ့တာကြောင့် အမျိုးသမီး၂ဦး အပါအဝင် ပြည်သူ၄ဦး ထိခိုက်ဒဏ်ရာ ရခဲ့ပါတယ်။
