မေ-၁၅၊ ၂၀၂၆။ ရှိန်း/People’s Spring
စစ်ကိုင်းတိုင်း၊ ကနီမြို့နယ် သမင်ခြံရွာကို ဝင်ရောက်ခဲ့တဲ့ စစ်တပ်စစ်ကြောင်းဟာ ဒေသခံ အမျိုးသား၁၀ဦးကို ဖမ်းဆီးသွားပြီး အခုအထိ ဖမ်းဆီးခံရသူတွေရဲ့သတင်းအစအန ပျောက်နေတယ်လို့ ဒေသခံတွေက ပြောပါတယ်။
ကနီမြို့နယ် သမင်ခြံရွာကို အာဏာသိမ်းစစ်တပ်က မေလ ၁၁ ရက်မှာ ဝင်ရောက်မီးရှို့ခဲ့တာလို့ သိရပါတယ်။ အဲဒီနောက် ရွာထဲက နေအိမ်တွေကို မွှေနှောက်ကာ ဒေသခံအမျိုးသား ၁၀ဦးကို ဖမ်းဆီးသွားတယ်လို့ ဒေသခံတစ်ဦးက ပြောပါတယ်။
“ဖမ်းဆီးသွားတာ အမျိုးသားချည်း၁၀ဦးပါ။ ဘယ်ဘက်ခေါ်သွားမှန်း အခုထိ မသိရသေးပါဘူး”လို့ ဒေသခံက ပြောပါတယ်။
Public Service Announcement
အဲဒီစစ်ကြောင်းဟာ မေလ၁၃ ရက် မနက်ပိုင်းမှာ နေအိမ်တချို့ကို ထပ်မံမီးရှို့ခဲ့ပြီးတဲ့နောက် ညနေပိုင်းမှာ ကနီမြိုပေါ်ကို တကြောင်းခွဲထွက်ကာ ယင်းမာပင်မြို့နယ်အတွင်းကိုလည်း တကြောင်းခွဲထွက်သွားတယ်လို့ သိရပါတယ်။
ယင်းမာပင်မြို့နယ်ထဲကို ထွက်သွားတဲ့ စစ်ကြောင်းဟာ ပြည်သူပိုင်ပစ္စည်းတွေကို လှည်း ၁၈စီးနဲ့ သယ်သွားပြီး ကား၊ဆိုင်ကယ်တွေကိုပါ ယူသွားတယ်လို့ ဒေသခံတွေက ပြောပါတယ်။ ဒါ့အပြင် စစ်တပ်ရဲ့ မီးရှို့ဖျက်ဆီးမှုကြောင့် နေအိမ် ၄လုံးလည်း မီးလောင်ပျက်စီးခဲ့တယ်လို့ ဆိုပါတယ်။
သမင်ခြံရွာကို စစ်အုပ်စုက ၂၀၂၅ ခုနှစ် ဩဂုတ်နဲ့ စက်တင်ဘာလတွေမှာ လေကြောင်းတိုက်ခိုက်မှုတွေ ဆက်တိုက်ပြုလုပ်ခဲ့တာကြောင့် ပြည်သူ ၆ဦး သေဆုံးခဲ့ပါတယ်။
