သထုံခရိုင် ဘီးလင်းမြို့နယ် ကြသောင်းဆိပ်ကျေးရွာရှိ စစ်ကောင်စီလက်အောက်ခံတပ်စခန်းတစ်ခုကို ကရင်အမျိုးသားလွတ်မြောက်ရေးတပ်မတော် (KNLA)နှင့်ပြည်သူ့ကာကွယ်ရေးတပ်ဖွဲ့(PDF) ပူးပေါင်းအဖွဲ့က တိုက်ခိုက်သိမ်းပိုက်ပြီးနောက် အောင်ပွဲဖြင့်ပြန်လာသောတပ်ဖွဲ့များကို ဒေသခံပြည်သူများက ပန်းကုံးများဖြင့် ကြိုဆိုခဲ့ကြသည်။
ကရင်အမျိုးသားအစည်းအရုံး(KNU/KNLA) တပ်မဟာ (၁)နယ်မြေရှိ အဆိုပါတပ်စခန်းကို ဒီဇင်ဘာ ၁၇ရက်တွင် တိုက်ခိုက်သိမ်းပိုက်ခဲ့ကြောင်း KNUက ယနေ့ သတင်းထုတ်ပြန်ထားသည်။
ကြသောင်းဆိပ်ကျေးရွာရှိ စစ်ကောင်စီလက်အောက်ခံ ကရင်နယ်ခြားစောင့်တပ် BGF-၁၀၁၃ တပ်စခန်းအား ဒီဇင်ဘာ ၁၇ ရက် နံနက် ၆နာရီတွင် စတင်ထိုးစစ်ဆင်တိုက်ခိုက်ခဲ့ရာ ည၉နာရီခွဲတွင် တပ်စခန်းကို သိမ်းယူနိုင်ခဲ့ခြင်းဖြစ်သည်။
KNUဗဟို၏ ထုတ်ပြန်ချက်တွင် ယခုစခန်းသိမ်းတိုက်ပွဲတွင် BGFဖက်မှ စခန်းမှူးအပါအဝင် လေးဦးထိခိုက် ဒဏ်ရာရခဲ့ပြီး KNLA ပူးပေါင်းတပ်ဖွဲ့မှ တစ်ဦးကျဆုံး သုံးဦးဒဏ်ရာရခဲ့သည်ဟု ဖော်ပြထားသည်။
Public Service Announcement
ကြသောင်းဆိပ်-BGFစခန်းကို ကူပစ်ပေးသည့်အနေဖြင့် ကတိုင်ဒိ BGFစခန်းမှ လက်နက်ကြီးများဖြင့် ပစ်ခတ်ခဲ့၍ ကျေးရွာအတွင်းရှိ လူနေအိမ်များ ပျက်စီးခဲ့ကြောင်း၊ BGF စခန်းအားသိမ်းယူပြီးသည်နှင့် တစ်ပြိုင်နက် စခန်းအတွင်းရှိ ကျန်ရှိနေသေးသော ပစ္စည်းများ၊ တဲအိမ်များကို မီးရှို့ရှင်းလင်းခဲ့ကြောင်း KNUက ထုတ်ပြန်သည်။
