ဇွန်-၁၉၊၂၀၂၆။ဟာနာဆန်/People’s Spring
ပဲခူးတိုင်း စစ်ဌာနနဲ့ အာဠာဝက တပ်ရင်းက ရဲဘော်တွေ၊ Beyond Sittaung အဖွဲ့သားတွေကလည်း ဒေါ်အောင်ဆန်းစုကြည်မွေးနေ့ အမှတ်တရအဖြစ် ရုပ်သံဗွီဒီယိုတစ်ခု ဝေမျှခဲ့ပါတယ်။
အဲဒီရုပ်သံမှာ စိမ်းစိုနေတဲ့ လယ်ကွင်းပြင်ကျယ်ကြီးတစ်ခုရဲ့ အလယ်မှာ စစ်ဝတ်စုံအပြည့်အစုံ ဝတ်ဆင်ထားတဲ့ PDFရဲဘော်တွေကဟာ တည်ငြိမ် လေးနက်တဲ့ ပုံစံနဲ့ ရပ်နေကြပါတယ်။ ကောင်းကင်ယံကတော့ လွမ်းမောစရာကောင်းတဲ့ အုံ့မှိုင်းမှိုင်းဖြစ်နေပြီး ကွင်းပြင်တစ်ခုလုံး မှိုင်းပြာပြာ လေထုအောက်မှာ စိမ်းလန်းနေပါတယ်။
ရဲဘော်တွေဟာ ထူးအိမ်သင်ရဲ့ နေကောင်းလားမေမေ သီချင်းကို တူရိယာတွေနဲ့အတူ အဖွဲ့လိုက် တီးခတ်သီဆိုခဲ့ကြပါတယ်။PDF ရဲဘော်တွေက ဒေါ်အောင်ဆန်းစုကြည်အတွက်လည်း မွေးနေ့ဆုတောင်းတွေ ပြောကြားခဲ့ကြပါတယ်။
Public Service Announcement
ရုပ်သံနဲ့အတူ “မွေးနေ့ရှင်မပါတဲ့ မွေးနေ့ပွဲတွေကို ကျင်းပနေရခြင်းမှ အမြန်ဆုံးကျော်လွန်ဖြတ်သန်းနိုင်ဖို့ ကျတော်တို့ ဒီထက်အများကြီး ပိုပြီးကြိုးစားကြရမယ်။ နေကောင်းကျန်းမာစွာနဲ့ အမြန်ဆုံးလွတ်မြောက်ပြီး အမေစုချစ်တဲ့ မြန်မာပြည်သူပြည်သားတွေနဲ့ အမြန်ဆုံး ပြန်လည်ဆုံစည်းနိုင်ပါစေလို့ ကျတော်တို့ ပဲခူးတိုင်း စစ်ဌာန ရဲဘော်များ၊အာဠာဝက တပ်ရင်းမှ ရဲဘော်များ၊Beyond Sittaung အဖွဲ့သားများမှ ဆုတောင်းပေးလိုက်ပါတယ်။”လို့ ရေးသားထားပါတယ်။
ရုပ်သံ-Beyound Sittaung
