ဇွန်-၂၀၊၂၀၂၆။သုည/People’s Spring
ကနေဒါ၊ ချက်နဲ့ ဂျပန်နိုင်ငံရောက် မြန်မာတွေက ဒေါ်အောင်ဆန်းစုကြည်ရဲ့ အသက် (၈၁) နှစ်ပြည့် မွေးနေ့အထိမ်းအမှတ် လှုပ်ရှားမှုတွေကို ဇွန်လ ၁၉ရက်က ပြုလုပ်ခဲ့ပါတယ်။
ကနေဒါနိုင်ငံ၊ ဗန်ကူးဗား၊ ဆာရီမြို့ရှိ ဟော်လန်ပန်းခြံမှာ လူထုခေါင်းဆောင် ဒေါ်အောင်ဆန်းစုကြည်ရဲ့ (၈၁) နှစ်ပြည့် မွေးနေ့ အထိမ်းအမှတ်အဖြစ် (၈၁) မိနစ်လမ်းလျှောက်ပွဲနဲ့ အတူ နှင်းဆီလှုပ်ရှားမှုကို ပြုလုပ်ခဲ့ပါတယ်။
“Proof of Life” ဒေါ်အောင်ဆန်းစုကြည် သက်ရှိထင်ရှားရှိနေကြောင်း သက်သေပြပေးဖို့နဲ့ ဒေါ်အောင်ဆန်းစုကြည် အပါအဝင် နိုင်ငံရေးအကျဉ်းသားတွေ အားလုံး လွတ်မြောက်ရေး တောင်းဆိုဆန္ဒပြခဲ့ပါတယ်။
Public Service Announcement
ဒီလှုပ်ရှားမှုကို Burmese Canadian Society BC (BCSBC) က စီစဉ်တာဖြစ်ပြီး ဗန်ကူးဗားရောက် မြန်မာ့အရေးလှုပ်ရှားသူတွေနဲ့ မြန်မာပြည်သူတွေ ပူးပေါင်းပါဝင်ခဲ့ကြပါတယ်။
ချက်သမ္မတနိုင်ငံ ပရက်ဂ်မြို့ ရှိ စစ်သံရုံး မြို့ဟောင်းနဲ့ နက္ခတ္တဗေဒ နာရီစင်ကြီးအနီးမှာ ပြည်ပရောက် မြန်မာ့အရေးတက်ကြွလှုပ်ရှားသူတွေက လူထုခေါင်းဆောင် ဒေါ်အောင်ဆန်းစုကြည်ရဲ့ (၈၁)နှစ်ပြည့် မွေးနေ့ နှင်းဆီလှုပ်ရှားမှုနဲ့ Proof Of Life လှုပ်ရှားမှုကို မနေ့က ပြုလုပ်ခဲ့ကြပါတယ်။
ဂျပန်နိုင်ငံ၊ တိုကျိုမြို့မှာလည်း လူထုခေါင်းဆောင် ဒေါ်အောင်ဆန်းစုကြည်ရဲ့ အသက် (၈၁) နှစ်ပြည့် မွေးနေ့ဆုတောင်းပွဲ နှင်းဆီလှုပ်ရှားမှုနဲ့ Proof Of Life လှုပ်ရှားမှုကို ပြုလုပ်ခဲ့ပြီး ဂျပန်လွှတ်တော်အမတ်တွေ တက်ရောက်ခဲ့ကြပါတယ်။
ဒေါ်အောင်ဆန်းစုကြည် အပါအဝင် နိုင်ငံရေးအကျဉ်းသားအားလုံး လွတ်မြောက်ဖို့အတွက် ဆုတောင်းခြင်းတွေလည်း လုပ်ဆောင်ခဲ့ပါတယ်။
