ဇွန် -၂၂၊၂၀၂၆။မိုမို/People’s Spring
တော်လှန်ရေးတပ်ဖွဲ့အမည်အလွဲသုံးစားပြုလုပ်ပြီး ဓားပြတိုက်သူတွေကို ဖမ်းဆီးဖော်ထုတ်ခဲ့တယ်လို့ (၁၀၀၃) တပ်ရင်းဓနုဒေသအခြေစိုက်ပြည်သူ့ကာကွယ်ရေးတပ်ရင်းက ဒီကနေ့ ဇွန်လ ၂၂ရက်မှာ ထုတ်ပြန်ပါတယ်။
အခုဇွန်လအတွင်းမှာ ရွာငံမြို့နယ်တနေရာမှာ ဓါးပြတိုက်တဲ့ဖြစ်စဉ်တစ်ခုဖြစ်ပွားခဲ့ပြီး အဲဒီဖြစ်စဥ်ကို ကျူးလွန်ခဲ့ကြသူတွေဟာ အသက်မပြည့်သေးတဲ့လူငယ်တွေ ဖြစ်ကာ အွန်လိုင်းလောင်းကစားစလော့ဂိမ်းနဲ့ မူးယစ်သုံးစွဲနေကြသူတွေလို့ ဆိုပါတယ်။
ဓါးမြတိုက်သူတွေထဲက တစ်ဦးကို ဖမ်းမိထားပြီး ခေါင်းဆောင်ဖြစ်သူနဲ့ တခြားအဖွဲ့ဝင်တွေကထွက်ပြေးတိမ်ရှောင်နေတယ်လို့ အသိပေးပါတယ်။
Public Service Announcement
ငွေကြေးလိုအပ်ချက်အရ သေနတ်အတုတွေနဲ့ ဓါးတွေကို အသုံးပြုကာ ဒေသတွင်းကပြည်သူတွေအပေါ်အနိုင်ကျင့် ဓားမြတိုက်မှုကို ကျူးလွန်ခဲ့တယ်လို့ ဖမ်းမိခဲ့သူက ဝန်ခံထွက်ဆိုထားပါတယ်။
ဒါ့အပြင် ဓားမြအဖွဲ့က တော်လှန်ရေးတပ်ဖွဲ့တွေရဲ့ နာမည်ကိုအသုံးပြုပြီး တော်လှန်ရေးတပ်ဖွဲ့တွေနဲ့ပြည်သူတွေကြား ၊ တော်လှန်ရေးတပ်ဖွဲ့အချင်းချင်းကြား ယုံကြည်မှုကင်းမဲ့စေဖို့ သတင်းအမှားတွေ ဖြန့်ဝေခဲ့တယ်လို့ ဖော်ပြပါတယ်။
(၁၀၀၃) တပ်ရင်းက ထုတ်ပြန်တဲ့ ရုပ်သံမှတ်တမ်းမှာ ဓားပြတိုက်သူရဲ့ဝန်ခံချက်အရ လေးကြိမ်ထက်မနည်း ပြစ်မှုကျူးလွန်ခဲ့ပြီး ကျပ်သိန်း ၄၀ကနေ အနည်းဆုံး ကျပ်တစ်သိန်းခွဲအထိ ပိုက်ဆံတောင်းခံကာ အွန်လိုင်းလောင်းကစားစလော့ဂိမ်းအတွက် အသုံးပြုခဲ့တယ်လို့ တွေ့ရပါတယ်။
အခုလိုဖြစ်စဉ်တွေ ထပ်မံမဖြစ်ပွားစေဖို့ (၁၀၀၃)တပ်ရင်းအနေနဲ့ ဓနုဒေသတွင်း စလော့ဂိမ်းကစားသူတွေနဲ့ မူးယစ်ဆေးသုံးစွဲရောင်းဝယ်နေသူတွေကို ပြတ်ပြတ်သားသားဖော်ထုတ်အရေးယူသွားမယ်လို့ အသိပေးပါတယ်။
ပြည်သူတွေအနေနဲ့ မိမိရဲ့ သားသမီးတွေကို အွန်းလိုင်းလောင်းကစားစလော့ဂိမ်းတွေနဲ့ မူးယစ်ဆေးဝါးသုံးစွဲရောင်းဝယ်မှုမရှိအောင်လည်း ဂရုစိုက်ကြပ်မတ်ပေးဖို့ (၁၀၀၃)တပ်ရင်းက မေတ္တာရပ်ခံပါတယ်။
ပတ်ဝန်းကျင်မှာ အွန်လိုင်းလောင်းကစားစလော့ဂိမ်းဆော့နေသူတွေ မူးယစ်ဆေးသုံးစွဲရောင်းဝယ်နေသူများကို တွေ့ရှိ ၊သိရှိရင် တိုင်ကြားဖို့လည်း တိုက်တွန်းပါတယ်။
ဒါ့အပြင် ပြည်သူ့ကာကွယ်ရေးရဲဘော်တွေ ကိုယ်တိုင်လည်း မူးယစ်ဆေးသုံးစွဲတာနဲ့ စလော့ဂိမ်းကစားတာ တွေရှိခဲ့ရင် ထိရောက်တဲ့ အရေးယူမှုတွေခံရမယ်လို့ သတိပေးပါတယ်။
ရုပ်သံ – Danu PDF
