Connect with us

Hi, what are you looking for?

သတင်း

စလင်းမြို့နယ်တိုက်ပွဲမှာ စစ်သား ၁ဦးကို လက်နက်နဲ့ အရှင်ဖမ်းမိ

မကွေးတိုင်း၊ စလင်းမြို့နယ်တိုက်ပွဲမှာ စစ်ကောင်စီတပ်သား ၁ဦးကို အရှင်ဖမ်းမိပြီး လက်နက်အချို့နဲ့ဒရုန်း ၁စီးကို ဖျက်ချသိမ်းဆည်းရရှိတယ်လို့ စလင်းမြို့နယ်ပြည်သူ့ကာကွယ်ရေးအဖွဲ့က ဒီကနေ့ ထုတ်ပြန်ပါတယ်။

(စလင်းမြို့နယ်တိုက်ပွဲအတွင်း ဖမ်းမိတဲ့ စစ်သား။ ဓာတ်ပုံ - စလင်း ပကဖ)

ဇူလိုင် -၂၊၂၀၂၆။မိုမို/People’s Spring

မကွေးတိုင်း၊ စလင်းမြို့နယ်တိုက်ပွဲမှာ စစ်ကောင်စီတပ်သား ၁ဦးကို အရှင်ဖမ်းမိပြီး လက်နက်အချို့နဲ့ဒရုန်း ၁စီးကို ဖျက်ချသိမ်းဆည်းရရှိတယ်လို့ စလင်းမြို့နယ်ပြည်သူ့ကာကွယ်ရေးအဖွဲ့က ဒီကနေ့ ထုတ်ပြန်ပါတယ်။

လေယာဥ်ဗုံးသီး ထုတ်လုပ်တဲ့ ကပစ – ၂၁ ရဲ့ မီးလိုင်းတွေ ပြုပြင်ဖို့ စစ်တပ်က အင်အား ၂၀၀ကျော် နဲ့ စလင်းမြို့နယ် တညောင်ဒေသကို ဇွန်လ ဆန်းပိုင်းကစပြီး စစ်ကြောင်းထိုး ဝင်ရောက်ခဲ့တယ်လို့ ဆိုပါတယ်။

ဇွန်လ ၁၉ ရက်မှာ စစ်တပ် ကင်းပတ်လာစေဖို့ နည်းဗျူဟာမြောက် စစ်ပရိယာယ် ဖော်ဆောင်ခဲ့ပြီးကင်းလှည့်လာတဲ့ စစ်တပ်ကို တိုက်ခိုက်အတွင်း စစ်ကောင်စီတပ်သား မျက်မြင် ၁ဦး သေဆုံးပြီး ၁ဦး အရှင်ဖမ်းမိ ရရှိခဲ့ကာ လက်နက်ငယ် (၂) လက်နဲ့ တခြား ပစ္စည်းတချို့ ရရှိခဲ့တယ်လို့ အသိပေးပါတယ်။

Public Service Announcement

Public Service Announcement

ကင်းလှည့်စစ်ကြောင်းကို လှည့်စားတိုက်မှု ပြုလုပ်ပြီး စစ်တပ်ရဲ့ပင်မတပ်စစ်ကူလာခဲ့ရင် ချေမှုန်းတိုက်ခိုက်ဖို့ ပြင်ဆင်ထားပေမယ့် စစ်တပ်မ စစ်ကူမလာခဲ့ဘူးလို့ သိရပါတယ်။

အဲဒီစစ်ကြောင်းက ၂၅ ရက်၀န်းကျင် ကြာမြင့်ခဲ့ပြီး စစ်ကြောင်းထိုးရာ တလျှောက်က ပြည်သူလူထုရဲ့ တန်ဖိုးကြီး ရွှေထည်တွေ အပါအ၀င် ပစ္စည်းတွေကို ခြိမ်းခြောက် လုယူတာ၊ ခိုးယူတာ၊ ပြည်သူ အမျိုးသမီး တစ်ဦးကို သတ်ဖြတ်တာတွေပြုလုပ်ခဲ့ပြီး ရာဇဝတ်မှုနဲ့ စစ်ရာဇဝတ်မှုတွေ ကျူးလွန်ခဲ့တယ်လို့ စလင်းပြည်သူ့ကာကွယ်ရေးတပ်ဖွဲ့က အသိပေးပါတယ်။

ဇွန်လ ၈ ရက်က စစ်တပ်ရဲ့ Military Attack ဒရုန်း ၁စီးကိုလည်း စလင်းမြို့နယ် ပကဖက ဖျက်ချသိမ်းဆည်းရရှိခဲ့တယ်လို့လည်း ဖော်ပြပါတယ်။

“တညောင်ဘက်က စစ်ကြောင်းက စလေ ဘက်ကို အခုလ နောက်ဆုံးပတ်က ပြန်ခေါက်သွားပြီ။စလင်းအနောက်ဘက်ခြမ်းမှာတော့ စစ်တပ်ရဲ့ ပုံမှန်လှုပ်ရှားမှုတော့ ရှိတယ်”လို့ စလင်းမြို့နယ် တော်လှန်ရေးရဲဘော်တစ်ဦးက ပြောပါတယ်။

စလင်းမြို့နယ်အထက်ပိုင်းက တညောင်ဒေသဟာ ဆိပ်ဖြူမြို့နယ် ကာကွယ်ရေးပစ္စည်းစက်ရုံတွေ ဖြစ်တဲ့ကပစ ( ၂၁ နဲ့ ၂၅) အပါအ၀င် အမှတ် (၉) လေကြောင်းရန်ကာ ကွယ်ရေးကွပ်ကဲမှုစစ်ဆင်ရေးဌာန ချုပ်(လစခ)တွေကို အဓိက ဓာတ်အားပေးတဲ့ဓာတ်အားခွဲရုံ ရှိပါတယ်။

စလင်းမြို့နယ်က စလင်း၊တညောင်၊ဆင်ဖြူကျွန်း စတဲ့မြို့ပေါ် နေရာအများစုကိုသာ အာဏာသိမ်းစစ်တပ်က ထိန်းချုပ်ထားနိုင်တာဖြစ်ပြီး ကျန်ဒေသတွေကို တော်လှန်ရေးအင်အားစုတွေက စိုးမိုးထားပါတယ်။

ဒါ့အပြင် အခု ၂၀၂၆နှစ်ဆန်းပိုင်းက စလင်း၊ဆင်ဖြူကျွန်းမြို့ပေါ် နေရာတွေက စစ်တပ်တပ်စွဲထားတဲ့ နေရာတွေကို တော်လှန်ရေးတပ်တွေက ဝင်ရောက်စီးနင်းခဲ့တာ ရှိပါတယ်။

ဆက်စပ်သတင်းများ

သတင်း

တရုတ်စီမံကိန်းတွေရှိတဲ့ရခိုင်ပြည်နယ် ကျောက်ဖြူမြို့နယ်အတွင်းက တောင်မော်ဦးရေတပ်စခန်းဝန်းကျင်နဲ့ မင်းတက်တောင်လမ်းဆုံအနီး သိုင်းချောင်းဝန်းကျင်တို့မှာ စစ်တပ်စခန်း​တွေကို အာရက္ခတပ်တော်(AA)ကတိုက်ခိုက်​နေပြီး တိုက်ပွဲအပြင်းအထန်ဖြစ်ပွားနေကြတယ်လို့မြေပြင်သတင်းရင်းမြစ်တွေကပြောပါတယ်။

သတင်း

မြန်မာဖက်ခြမ်းနယ်စပ်မှာ ဖြစ်နေတဲ့ တိုက်ပွဲတွေဟာမြန်မာ့ပြည်တွင်းရေးသာဖြစ်ပြီး ထိုင်းရဲ့ လုံခြုံရေးဆိုင်ရာ အခြေအနေတွေကိုတော့ကောင်းကောင်းထိန်းချုပ်ထားနိုင်ကြောင်း ထိုင်းတော်ဝင်ကြည်းတပ်က ထုတ်ပြန်ခဲ့ပါတယ်။

သတင်း

ရှေ့တန်းလွှတ်မယ့် စစ်ကောင်စီတပ်ဖွဲ့ဝင်တွေကို စစ်အုပ်စုရဲ့ တာဝန်ရှိသူတဦးက စစ်မြေပြင်မှာ သေနတ်နဲ့ ပစ်ခံရမှာကို ကြောက်စရာ မလိုဘဲ၊ ကျည်ဆန်မှာ အမည် ပါပြီးသားမို့ ကိုယ့်အမည် မပါရင် မသေဘူးလို့ ပြောကာ အန္တရာယ်ကင်း အဆောင်လက်ဖွဲ့တွေပေးရှေ့တန်းထွက်ခိုင်းပါတယ်။

သတင်း

ကသာမြို့မှာပိတ်မိတဲ့ကားတချို့ မန္တလေးဘက် ပြန်ဆုတ်ခိုင်း၊ ပိတ်မိနေသူတွေဆက်ရှိပြီး သေဆုံးသူ ထပ်တိုး