အာဏာသိမ်း​ခေါင်း​ဆောင်က ခိုင်းလို့ဆိုပြီး ကျောင်းတွေမှာငှက်ပျောပင်စိုက်​နေရ

ဩဂုတ်-၁၊၂၀၂၆။နှင်း/People’s Spring

အာဏာသိမ်းခေါင်းဆောင် မင်းအောင်လှိုင်ကအ​ခြေခံပညာ​ကျောင်း​တွေကိုတစ်ရူးငှက်ပျောပင်စိုက်ခိုင်းတာ ကြောင့် မြေကွက်လွတ်ရှိတဲ့ ကျောင်းတွေ ငှက်ပျောပင်စိုက်နေရတယ်လို့ ပညာရေးဝန်ထမ်းတွေကပြောပါတယ်။

စစ်အုပ်စုကဧပြီလကနေဇူလိုင်လအထိ ရက် ၁၀၀ စီမံကိန်းဆိုပြီးကျောင်းနေအရွယ်ကလေး ငယ်​တွေ အဟာရဖွံ့ဖြိုး ​အောင် ငှက်ပျောသီး နဲ့ ကြက်ဥ ကျွေးခိုင်းခဲ့တာလို့ ပညာ​ရေးဝန်ထမ်းအချို့က​ပြောတယ်။

“ကလေး တွေကိုကျွေးဖို့ကျောင်းကလွတ်နေတဲ့ မြေကွက်တွေမှာ ငှက်ပျောပင်စိုက်ရမယ်လို့ရက် ၁၀၀ စီမံကိန်း မိန့်ခွန်းမှာပါတယ်‌ဆိုပြီး ပညာရေးက အမိန့် ​ပေးထားတာ။အဲတာကြောင့် ပညာရေးရက်၁၀၀ စီမံကိန်းမှာ ငှက်ပျောပင်စိုက်ရတာ။အဟာရလည်းပြည့်တယ်ဆိုပြီး တစ်ရူးငှက်ပျောတမျိုးပဲ စိုက်ရတာ”လို့ ပညာ ရေးဝန်ထမ်းတဦးက ပြောပါတယ်။

Public Service Announcement

ရက် ၁၀၀ စီမံကိန်းအတွင်း​ကျောင်း​တွေမှာ ၃ကြိမ်အဟာရ ကျွေးရမယ်လို့ ညွန်ကြားထား​ပေမယ့်ဘက်ဂျက်ချမပေးတာကြောင့် ​ကျောင်းသားမိဘ‌တွေကို ​ကျောင်းက​နေကြက်ဥတလုံး နဲ့ ငှက်ပျောသီးတလုံးမှာရတဲ့ ဖြစ်ရပ်​တွေဖြစ်လာတာလို့လည်း အထက်ပါပညာ​ရေးဝန်ထမ်းကဆက်​ပြောပါတယ်။

မန္တလေးမြို့ပေါ်ကကျောင်းအများစုလည်း အာဏာသိမ်းခေါင်းဆောင်ကငှက်ပျောပင်စိုက်ခိုင်းတယ်ဆိုပြီးစိုက်​နေရတယ်လို့ ပညာ​ရေးဝန်ထမ်းအချို့က​ပြောပါတယ်။

ဒါ့အပြင် ကျောင်းတွင်းအဟာရ ကျွေးမွေးရေး ဆိုတဲ့ ခေါင်းစဉ်နဲ့ ​ကျောင်းသား၊​ကျောင်းသူ​တွေကိုအသားကျွေးခိုင်းပြီး အဲဒီအသားဖိုးကိုလည်း ကျောင်းသားတွေဆီကို ခွဲတမ်းနဲ့ ပိုက်ဆံကောက် ‌‌‌‌‌‌‌‌နေတယ်လို့မူလတန်းကျောင်းသားတွေရဲ့မိဘတွေကပြောပါတယ်။