မန္တလေးအောင်ပင်လယ်မှာ မိုးများလို့ အောင်ဇမ္ဗူဇာတ်ပွဲ ဒီညဖျော်ဖြေပွဲ ဖျက်သိမ်း

သြဂုတ် ၅၊ ၂၀၂၆။ ဇေအောင်/People’s Spring

မန္တလေးမြို့၊ အောင်ပင်လယ်မှာ ကနေတဲ့ အောင်ဇမ္ဗူဇာတ်ပွဲ ရာသီဥတု အခြေအနေကြောင့်ဆိုပြီး ဒီကနေ့ည ဖျော်ဖြေပွဲ ဖျက်သိမ်းလိုက်ရကြောင်း သတင်းရှိပါတယ်။

ဒီကနေ့ သြဂုတ် ၅ ရက် ညမှာ မန္တလေးမြို့၊ အောင်ပင်လယ် ဘောလုံးကွင်းမှာကမယ့် အောင်ဇမ္ဗူဇာတ်သဘင်ရဲ့ ဒုတိယညပွဲစဉ်ကို ရာသီဥတုအခြေအနေကြောင့် မကဖြစ်ကြောင်း ဇာတ်တာဝန်ရှိသူက လူမှုကွန်ရက်ကနေ အသိပေးပါတယ်။

ဒီညအတွက် ကြိုတင်ဝယ်ယူထားတဲ့ ဖျာနဲ့ ထိုင်ခုံဖိုးတွေကို မနက်ဖြန် နေ့လယ် ၂ နာရီမှာ ငွေပြန်အမ်းမယ်လို့ ဆိုပါတယ်။ “ပွဲခင်းထဲ ဗွက်တွေထနေလို့ ဒီညဖျက်သိမ်းလိုက်တာပြောတယ်”လို့ ဒေသခံတစ်ဦးက ပြောပါတယ်။

Public Service Announcement

လက်ရှိ မန္တလေးမြို့မှာ မိုးဆက်တိုက်ရွာနေပြီး မတ္တရာမြို့နယ်က ဆည်တော်ကြီးဆည်မှာ စိုးရိမ်ရေမှတ်ကိုကျော်လွန်နေတာကြောင့် ရေတံခါးတွေကိုဖွင့်ချထားလိုက်ပြီဖြစ်တာကြောင့် အနီးအနားကကျေးရွာတွေကို အရေးပေါ်ပြောင်းရွှေ့ဖို့ မြန်မာနိုင်ငံလူမှုကယ်ဆယ်ရေးအဖွဲ့ – မန္တလေးတိုင်းဒေသကြီးကော်မတီက မနေ့ညက သတိပေးခဲ့ပါတယ်။

ဇာတ်ပွဲလာလုပ်နေတဲ့ အောင်ပင်လယ်ဟာ ဆည်တော်ကြီးရေရောက်တဲ့ ဒေသဖြစ်ပြီး ပြီးခဲ့တဲ့ ဆယ်စုနှစ်တစ်ခုအတွင်းမှာ ဆည်တော်ကြီးရေလျှံလို့ ရေနှစ်ကြိမ်ထက်မနည်း ရေကြီးခဲ့ဖူးပါသေးတယ်။

အောင်ဇမ္ဗူဇာတ်ပွဲကို ပွဲမစခင် ၃ ညအလိုကတည်းက လက်မှတ်ရဖို့ ညအိပ်တန်းစီသူတွေရှိခဲ့ပြီး ပုံမှန်တစ်သိန်းခွဲတန်ဖျာဟာ ပြင်ပစျေးကွက်မှာ ကျပ်လေးသိန်းခန့်အထိ ပေါက်သွားခဲ့တယ်လို့ သိရပါတယ်။

လက်ရှိ လေးမျက်နှာမြို့မှာ ငဝန်မြစ်ရေကာတာကျိုးပေါက်ပြီး တစ်မြို့နယ်လုံးနီးပါးရေဘေးကိုဆိုးရွာစွာကြုံတွေ့နေသလို ၊ကချင်ပြည်နယ်ဖားကန့်မြို့နယ် အပါအဝင်ဒသေအချို့မှာ ရေကြီးရေလျှံမှုတွေ ဖြစ်ပွားနေပြီး ပြည်သူသိန်းချီ ရေဘေးသင့်နေပါတယ်။