Connect with us

Hi, what are you looking for?

သတင်း

မင်းအောင်လှိုင်ကိုဆန္ဒပြတဲ့အမတ်အပါအဝင် ထိုင်းလွှတ်တော်ကိုယ်စားလှယ်တွေနဲ့ CRPH တွေ့ဆုံဆွေးနွေး

ပြည်ထောင်စုလွှတ်တော်ကိုယ်စားပြုကော်မတီ(CRPH) ကိုယ်စားလှယ်အဖွဲ့ နဲ့ ထိုင်းလွှတ်တော်ကိုယ်စားလှယ်တွေဟာ ဩဂုတ် ၁၄ရက်မှာ ထိုင်းနိုင်ငံ ဘန်ကောက်မြို့ရှိ အောက်လွှတ်တော်မှာ တွေ့ဆုံဆွေးနွေးခဲ့တယ်လို့ CRPH က ထုတ်ပြန်ပါတယ်။

(ထိုင်းလွှတ်တော်ကိုယ်စားလှယ်တွေနဲ့ CRPH တွေ့ဆုံဆွေးနွေးနေစဉ်။ ဓာတ်ပုံ - CRPH)

ဩဂုတ် ၁၆၊ ၂၀၂၆။ ထားမြတ်/People’s Spring

ပြည်ထောင်စုလွှတ်တော်ကိုယ်စားပြုကော်မတီ(CRPH) ကိုယ်စားလှယ်အဖွဲ့ နဲ့ ထိုင်းလွှတ်တော်ကိုယ်စားလှယ်တွေဟာ ဩဂုတ် ၁၄ရက်မှာ ထိုင်းနိုင်ငံ ဘန်ကောက်မြို့ရှိ အောက်လွှတ်တော်မှာ တွေ့ဆုံဆွေးနွေးခဲ့တယ်လို့ CRPH က ထုတ်ပြန်ပါတယ်။

CRPH အတွင်းရေးမှူးအဖွဲ့ဝင် ဒေါ်ဖြူဖြူသင်းဦးဆောင်သော ကိုယ်စားလှယ်အဖွဲ့ဟာ ထိုင်းလွှတ်တော်ကိုယ်စားလှယ်တွေဖြစ်ကြတဲ့ Mr. Anusorn Tamajai၊ Mr. Chonlathan “Ice” Supphaiboonlerd နဲ့ Mr. Krokiat Korsoongsak တို့အား သွားရောက်တွေ့ဆုံခဲ့တာလို့ ဆိုပါတယ်။

CRPH နဲ့ ထိုင်းလွှတ်တော်ကိုယ်စားလှယ်တွေ တွေ့ဆုံမှုမှာ မြန်မာ့နိုင်ငံရေးအခြေအနေ ဖြစ်ပေါ်တိုးတက်မှုများ၊ အနာဂတ်တွင် ပူးပေါင်းဆောင်ရွက်နိုင်မည့် ကိစ္စရပ်များအပေါ် ဆွေးနွေးဖလှယ်ခဲ့သလို အောက်လွှတ်တော်ကိုယ်စားလှယ် အနုဆွမ်သာမချိုင်( Mr. Anusorn Tamajai)ကိုလည်း မကြာသေးမီက ထုတ်ဖော်ပြောကြားမှုများ နဲ့ ရပ်တည်ချက်များအတွက် CRPHက ကျေးဇူးတင်စကား ပြောကြားခဲ့တယ်လို့ အသိပေးထားပါတယ်။ ဒါ့အပြင် CRPHG ရဲ့ ကျေးဇူးတင်ကြောင်း စာအား ပေးအပ်ခဲ့တယ်လို့ ဖော်ပြပါတယ်။

Public Service Announcement

Public Service Announcement

အဲဒီတွေ့ဆုံမှုမှာ ပါဝင်တဲ့ ပြည်သူ့ပါတီ (PP)ရဲ့ အမတ် အနုဆွမ် သာမချိုင်ဟာ အာဏာသိမ်းစစ်ခေါင်းဆောင်မင်းအောင်လှိုင်ရဲ့ ထိုင်းခရီးစဉ်မှာ မင်းအောင်လှိုင်ရှေ့မှာ ငြိမ်းချမ်းရေးနဲ့ လူသားချင်းစာနာမှုတွေအတွက် အော်ဟစ်ဆန္ဒပြခဲ့သူဖြစ်ပါတယ်။ မင်းအောင်လှိုင်ကို ဩဂုတ် ၇ ရက်နေ့တုန်းက ထိုင်းအထက်လွှတ်တော် ဥက္ကဋ္ဌ မွန်ကို ဆူရဆတ်ချာနဲ့ အတူတွဲပြီးဓာတ်ပုံရိုက်နေချိန်မှာအနုဆွမ်က ငြိမ်းချမ်းရေးအတွက် ၊လူသားချင်းစာနာမှုအတွက် လို့အော်ဟစ်ဆန္ဒပြခဲ့တာပါ။

CRPH ကိုယ်စားလှယ်အဖွဲ့ရဲ့ အခုခရီးစဉ်မှာ မြန်မာပြည်တွင်းနဲ့ နယ်စပ်ဒေသများရှိ နေ့ရပ်စွန့်ခွာနေရတဲ့ ပြည်သူများ၊ ကိုယ်လက်အင်္ဂါစွန့်လွှတ်ခဲ့ရတဲ့ ပြည်သူ့ကာကွယ်ရေးတပ်ဖွဲ့ဝင်များ၊ ရွှေ့ပြောင်းအလုပ်သမားများနဲ့ သားသမီးများ ပညာဆက်လက်သင်ကြားနိုင်ရေးတို့အတွက် ပံ့ပိုးကူညီမှုများရရှိရေးအတွက် အကူအညီပေးရေးဆိုင်ရာ နိုင်ငံတကာအဖွဲ့အစည်းတို့နဲ့လည်း တွေ့ဆုံဆွေးနွေးခဲ့ကြောင်း ထုတ်ပြန်ထားပါတယ်။

ဆက်စပ်သတင်းများ

သတင်း

အရှေ့တောင်အာရှနိုင်ငံများအစည်းအရုံး (အာဆီယံ)ရဲ့ ထိပ်သီးအစည်းအ​ဝေး အာဏာသိမ်း စစ်ခေါင်းဆောင် မင်းအောင်လှိုင်ကို ဖိတ်ကြားမှာ မဟုတ်ကြောင်း တိတိကျကျ ကြိုတင် ထုတ်ပြန်ပေးဖို့ အာဆီယံ လူ့အခွင့်အရေးဆိုင်ရာ လွှတ်တော်အမတ်များ အဖွဲ့ (APHR) နဲ့ မြန်မာ့အရေးအထူးအကြံပေးကောင်စီ (SAC-M)တို့က အာဆီယံကို တောင်းဆိုလိုက်ပါတယ်။

သတင်း

စစ်အာဏာရှင်စနစ် အဆုံးသတ်ရေး၊ ငြိမ်းချမ်းရေးနဲ့ တည်ငြိမ်ရေး ပြန်လည်တည်ဆောက်ရေး၊ ဒီမိုကရေစီစနစ် ပြန်လည်ရရှိရေး၊ ဖက်ဒရယ်ဒီမိုကရေစီပြည်ထောင်စု တည်ဆောက်ရေးတို့အတွက် ဖက်ဒရယ်ဒီမိုကရေစီ ပြည်ထောင်စုပေါ်ထွန်းရေးဦးဆောင်ကောင်စီ(SCEF)မှာ အဓိက ဦးဆောင်အဖွဲ့အစည်းတစ်ရပ်အဖြစ် လက်တွဲကြိုးပမ်းလျက်ရှိကြောင်း ပြည်ထောင်စုလွှတ်တော်ကိုယ်စားပြုကော်မတီ(CRPH)က ထုတ်ပြန်ပါတယ်။

သတင်း

တော်လှန်ရေးအင်အားစုတွေ ညီညွတ်ဖို့၊ စစ်ရေးအရဟန်ချက်ညီဖို့၊ ဗျူဟာမြောက်ပူးပေါင်းမှု ပိုမြှင့်တင်ဖို့ NUG တိုက်တွန်း

သတင်း

ဂျပန်နိုင်ငံက ပေးအပ်ချီးမြှင့်တဲ့ (၁၃) ကြိမ်မြောက် အိုကီနာဝါငြိမ်းချမ်းရေးဆု (Okinawa Peace Prize) ကို လက်ခံရရှိခဲ့တဲ့ မယ်တော်ဆေးခန်းဦးဆောင်သူ ဒေါက်တာစင်သီယာမောင် အား လှိုက်လှိုင်လှဲလှဲ ဝမ်းမြောက်ဂုဏ်ယူကြောင်း ပြည်ထောင်စုလွှတ်တော်ကိုယ်စားပြုကော်မတီ(CRPH)က သဝဏ်လွှာ ပေးပို့ပါတယ်။