သြဂုတ် – ၂၉ ၊၂၀၂၆
မွန်ပြည်နယ် ၊မော်လမြိုင်မြို့၊ မရမ်းကုန်းရပ်ကွက်၊ ကမ်းနားလမ်းရှိ လျှပ်စစ်ပစ္စည်းအရောင်းဆိုင်ကို မနေ့ (သြဂုတ် ၂၈ ရက် ) မနက်ပိုင်းမှာ အမျိုးသား သုံးဦးက သေနတ်ပြပြီး ဓားပြတိုက်သွားတယ်လို့မြို့ခံအချို့ဆီကသိရပါတယ်။
မနက်အစောပိုင်း ၄ နာရီခန့်မှာ မျက်နှာကို အဝတ်စည်းထားတဲ့ အမျိုးသား သုံးဦးက သေနတ်အတိုတွေနဲ့ လျှပ်စစ်ပစ္စည်းဆိုင်ကို ဓားပြတိုက်ပြီး မီးခံ သေတ္တာကိုယူသွားခဲ့တာပါ။
ကားနဲ့ရောက်ချလာပြီးဓားပြတိုက်တာဖြစ်သလို အိမ်ထဲက လူတွေကိုတော့ကြိုးတုပ်သွားတယ်လို့မြို့ခံတစ်ဦးက ဆိုပါတယ်။
Public Service Announcement
အခင်းဖြစ်ချိန်မှာ ဆိုင်ပိုင်ရှင်တွေရှိမနေဘဲ ဝန်ထမ်းအမျိုးသမီးသုံးဦးသာ ရှိနေချိန်ဖြစ်တယ်လို့လည်းသိရပါတယ်။
အာဏာသိမ်းစစ်တပ်လက်အောက်ခံ ရဲတပ်ဖွဲ့က ဆိုင်က CCTV မှတ်တမ်းတွေကို သိမ်းဆည်းသွားတယ်လို့သိရပါတယ်။
မီးခံသေတ္တာထဲမှာ ရွှေလေးပိဿာအပါအဝင် ရွှေထည်တွေ ၊ စိန်ထည်တွေပါသွားတယ်လို့ ကနဦးသိထားရပေမယ့်အသေးစိတ်ကိုသီးခြားအတည်မပြုနိုင်ပါဘူး။
၂၀၂၁ ခုနှစ် စစ်တပ်အာဏာသိမ်းပြီးနောက်ပိုင်းမှာ မြန်မာနိုင်ငံမှာ တရားဉပဒေစိုးမိုးမှု ပျက်ယွင်းသွားပြီး မြို့ကြီးတွေမှာ ဓားပြတိုက်မှု ၊လူသတ်မှု ၊လုယက်မှုတွေမကြာခဏဆိုသလို ဖြစ်ပွားလာခဲ့ပါတယ်။
