အောက်တိုဘာ ၁၄၊ ၂၀၂၆။ မေရီ/People’s Spring
မန္တလေးမြို့မှာ အာဏာသိမ်းစစ်တပ်က ဆိုလာတပ်ထားတဲ့ နေအိမ်တွေကို လိုက်လံစာရင်းကောက်နေကြောင်း မြို့ခံတွေက ပြောပါတယ်။
ယခု အောက်တိုဘာ ဒုတိယပတ်အတွင်း မန္တလေးမြို့ပေါ်က နေအိမ်တွေမှာ ဆိုလာစနစ်တပ် ဆင်ထားတဲ့ နေအိမ်တွေကို အာဏာသိမ်းစစ်တပ်ရဲ့ ရပ်ကွက်အုပ်ချုပ်ရေးမှုးနဲ့အဖွဲ့တွေက လာရောက်စစ်ဆေးကာ စာရင်းကောက်ယူသွားကြောင်း မြို့ခံအချို့က ပြောပါတယ်။
“အိမ်မှာဆိုလာဘယ်နှစ်ချပ်တပ်ထားလဲ လာမေးပြီး စာရင်းကောက်သွားတာ။ ဘာကြောင့်ကောက်တယ်ဆိုတာတော့ ပြောမသွားဘူး”လို့ မန္တလေးမြို့ခံတစ်ဦးက ပြောပါတယ်။
Public Service Announcement
ရန်ကုန်မြို့မှာတော့ အာဏာသိမ်းစစ်တပ်လက်အောက်ခံ ရန်ကုန်စည်ပင်ကော်မတီဟာ လာမယ့် နိုဝင်ဘာ ၁ ရက်ကစပြီး ဓာတ်လှေကားပါတဲ့ အဆောက်အဦးတွေမှာ ဓာတ်လှေကားနဲ့ Emergency Lighting သုံးဖို့ လုံလောက်တဲ့ ဆိုလာစနစ် သုံးဖို့၊ စီးပွားရေးသုံး အဆောက်အဦးတွေမှာလည်း ဆိုလာစနစ် ထည့်သွင်းဖို့ အောက်တိုဘာ ၁ ရက်က ညွှန်ကြားခဲ့ပါတယ်။
မန္တလေးမြို့မှာတော့ ဆိုလာစနစ်နဲ့ပတ်သက်ပြီး သီးခြားညွှန်ကြားထားတာ မတွေ့ရသေးပါဘူး။
အာဏာသိမ်းစစ်ခေါင်းဆောင်ရဲ့သား အောင်ပြည့်စုံဟာ ဆိုလာနဲ့ပတ်သက်တဲ့လုပ်ငန်းတွေကို တစ်ဦးတည်းတင်သွင်းခွင့် ရရှိထားပါတယ်။ စစ်ခေါင်းဆောင်တွေဟာ ပြီးခဲ့တဲ့နှစ်ဆန်းပိုင်းကပဲ အသေးစားလုပ်ငန်းငယ်တွေကိုပါ ဆိုလာစနစ်တပ်ဆင်ဖို့ ဖိအားပေးခဲ့ပါသေးတယ်။
