လွိုင်​ကော်မြို့ ရထားလမ်းက စစ်​ကောင်စီတပ်ကို တိုက်ခိုက်ရာ သုံးဦးဒဏ်ရာရဟု ဒီး​မော့ဆို PDF​ပြော

လွိုင်ကော်မြို့နယ် မိုင်းလုံးရပ်ကွက် ရထားလမ်းအနီးရှိ အကြမ်းဖက်စစ်​ကောင်စီတပ်ကို သွား​ရောက်တိုက်ခိုက်ခဲ့ရာ စစ်ကောင်စီတပ်သားသုံးဦး ဒဏ်ရာရရှိသည်ဟု ပြည်သူ့ကာကွယ်​ရေးတပ် ဒီးမော့ဆို (DMO- PDF)က ယနေ့ ထုတ်ပြန်သည်။

အဆိုပါ တိုက်ခိုက်မှုကို ဒီဇင်ဘာ ၂၆ ရက်​ ည ၉ နာရီ​ကစတင်ခဲ့ပြီး မိနစ်၂၀ကြာ​ခဲ့ပြီး လွိိုင်ကော် KGZတပ်ဖွဲ့​ နှင့် ပူး​ပေါင်း၍ စစ်ဆင်ရေးပြုလုပ်ခဲ့ကြောင်း DMO-PDF က ဆိုသည်။

“လွိုင်ကော်ထဲမှာ စစ်တပ်က နေရာအလိုက် ကင်းပုန်းဝပ်တာတွေရှိတယ်။နေရာတစ်ခုကို အမြဲမနေဘူး။ဒါကြောင့် ကျွန်တော်တို့က အချိန်ကိုက် သွားတိုက်တာ။မြို့ထဲဆိုတော့ တိုက်ပွဲကို အချိန်ဆွဲမရဘူး။ရသလောက် အထိနာအောင်တိုက်ပြီး အောင်အောင်မြင်မြင်နဲ့ပြန်ဆုတ်ခွာခဲ့တယ်”ဟု DMO-PDF တာဝန်ရှိသူတစ်ဦးက လူထုနွေဦးသို့ ပြောသည်။

တိုက်ပွဲအတွင်း အကြမ်းဖက်စစ်​ကောင်စီတပ်ဖက်မှ သုံးဦး ထိခိုက်ဒဏ်ရာရရှိမှုရှိခဲ့​ကြောင်း၊ ပြည်သူ့ကာကွယ်​ရေးတပ်များမှ ထိခိုက်ဒဏ်ရာ မရှိခဲ့ကြောင်းလည်း ထုတ်ပြန်ချက်တွင် ဖော်ပြသည်။

Public Service Announcement

ဒီဇင်ဘာ ၂၅ ရက်ကလည်း ဒီး​​မော့ဆိုမြို့နယ် မြို့မရဲစခန်းရှိ အကြမ်းဖက်စစ်​ကောင်စီတပ်ဖွဲ့ကို ဝင်ရောက်တိုက်ခိုက်ရာ စစ်ကောင်စီတပ်သား သုံးဦးသေဆုံးကြောင်း ပြည်သူ့ကာကွယ်​ရေးတပ်-ဒီး​မော့ဆို (DMO-PDF)က ထုတ်ပြန်ထားသည်။