အင်းစိန်မြို့နယ်ရှိ ရွာမရဲစခန်းအား ၄၀(မမ) ဗုံးသီးဖြင့်တိုက်ခိုက်ခဲ့ကြောင်း Yangon Fedreal Army -YFA က ယနေ့(ဒီဇင်ဘာ ၂၉) ထုတ်ပြန်သည်။
ယနေ့နံနက် ၅ နာရီ ၄၅ခန့်က အင်းစိန်မြို့နယ် အောက်မဂ်လာဒုံလမ်းပေါ်ရှိ ရွာမရဲစခန်းအား M 97 40 mm ဗုံးသီးဖြင့် တိုက်ခိုက်ခဲ့ခြင်းဖြစ်ပြီး စစ်ကောင်စီတပ်မှ ရဲများအထိအခိုက်များနိုင်ကြောင်း ထုတ်ပြန်ချက်တွင် ဖော်ပြသည်။
“ဗုံးသီး ၂ လုံးပစ်ရန် စီစဥ်ခဲ့သော်လည်း အကြောင်းအမျိုးမျိုးကြောင့် ၁ လုံးသာပစ်ခတ်ခဲ့ရပြီး ရခများ ထိခိုက်မှုများကာ နှစ်ဖက်ညီနောင်ရဲဘော်များ ထိခိုက်မှုမရှိဘဲ ဘေးကင်းအောင် မြင်စွာ ဆုတ်ခွာလာ ခဲ့ပြီဖြစ်ပါသည်”ဟု YFA က ဆိုသည်။
ရွာမရဲစခန်းအနီးနေထိုင်သူတစ်ဦးက “၆ နာရီကျော်လောက်ကတည်းက ရွာမရဲစခန်းနားကို စစ်ခွေးကားနှစ်စီးရောက်လာတယ်။ရဲခွေးတွေ ထိလား၊မထိလားတော့ မသိသေးဘူး”ဟု ပြောသည်။
Public Service Announcement
အထက်ပါ Mission မှာ ရန်ကုန်တိုင်းစစ်ဒေသကွပ်ကဲရေးအဖွဲ့၏ ပျံလွှားအောင်စစ်ဆင်ရေးမှ အစိတ် အပိုင်းတစ်ခုဖြစ်ကြောင်း YFA က အသိပေးထားသည်။
အင်းစိန်ရွာမရဲစခန်းအား တိုက်ခိုက်မှုကို Area 21 ၏မိတ်ဖက်များဖြစ်သော YFA နှင့် CGF-HTY တို့မှ ပူးပေါင်းတိုက်ခိုက်ခဲ့ခြင်း ဖြစ်သည်။
လှိုင်သာယာမြို့နယ်ပြောက်ကြား တပ်ဖွဲ့မှသည် ရန်ကုန်တစ်မြို့လုံးဆိုင်ရာ ပြောက်ကြားတပ်ဖွဲ့ CGF YGNအဖြစ် အမည်ပြောင်းလဲပြီး တစ်မြို့လုံးမည်သည့်နေရာမဆို စစ်ရေးအရ တိုက်ခိုက်သွားမည်ဟု လှိုင်သာယာမြို့ပြပြောက်ကျားတပ်ဖွဲ့ (CGF HTY) က ကြေညာထားသည်။
