▪️ပစ္စည်းများ ဖျက်ဆီးခြင်း၊ ခိုးယူခြင်းပြုလုပ်
မကွေးတိုင်း ဂန့်ဂေါမြို့နယ်ရှိ နှမ်းခါးရွာကို အာဏာသိမ်းစစ်ကောင်စီတပ် ထပ်မံဝင်ရောက်တပ်စွဲပြီး စကားမပြောတက်သည့် (၆၀)အရွယ် သက်ကြီးရွယ်အိုတစ်ဦးကို ရိုက်နှက်ကာ (၄၅)နှစ်အရွယ် ပြည်သူတစ်ဦးကို သတ်ဖြတ်သွားကြောင်း နှမ်းခါးလူငယ်အဖွဲ့က သတင်းထုတ်ပြန် သည်။
ဓာတ်ပုံ – နှမ်းခါးလူငယ်အဖွဲ့ ဓာတ်ပုံ – နှမ်းခါးလူငယ်အဖွဲ့
စစ်ကောင်စီတပ်က ၎င်းတို့ သတ်ဖြတ်ခဲ့သူ၏ အလောင်းကို စပါးတိုက်အတွင်း အလောင်းထည့်၍ အစဖျောက် မီးတိုက်သွားကြောင်း ဖော်ပြထားသည်။
စစ်ကောင်စီတပ်သည် ဒီဇင်ဘာ ၂၉ရက်က နှမ်းခါးရွာ၌ ညအိပ်ဝင်ရောက် တပ်စွဲခဲ့ခြင်းဖြစ်ကြောင်း၊ တန်ဖိုးကြီး ပစ္စည်းများကို ခိုးယူခြင်း၊ ဖျက်ဆီးခြင်းနှင့် ကြက်၊ဝက်များသတ်ဖြတ် စားသောက်ခြင်းများ ပြုလုပ်သွားသည်ဟု ဆိုသည်။
Public Service Announcement
စစ်ကောင်စီတပ်သည် နှမ်းခါးရွာသို့ အကြိမ်ကြိမ်ဝင်ရောက်ပြီး ကျေးရွာနေပြည်သူများ၏ နေအိမ်များကို မီးရှို့ဖျက်ဆီးခြင်း၊ ဒေသခံများကို တိုက်ခိုက်သတ်ဖြတ်ခြင်းတို့ကြောင်း ရွာသူ၊ရွာသားများ စစ်ဘေးတိမ်းရှောင်နေကြရသည်။
စစ်ကောင်စီတပ်သည် ဂန့်ဂေါ – ကလေးလမ်းပိုင်းရှိ ကျေးရွာများကို ဝင်ရောက်စီးနင်း တိုက်ခိုက်နေ၍ ဒေသခံ ပြည်သူ့ကာကွယ်ရေးတပ်ဖွဲ့များကလည်း ခုခံတိုက်ခိုက်ခဲ့ရာ တိုက်ပွဲများလည်း မကြာခဏ ဖြစ်ပေါ်နေသည်။
