'/%3E%3C/svg%3E){kind=small}
လွိုင်ကော်တိုက်ပွဲ
လွိုင်ကော်မြို့နယ် ကယန်းသာယာကျေးရွာအနီးရှိ အကြမ်းဖက်စစ်ကောင်စီတပ်၏ ကင်းပုန်းစခန်းတစ်ခုကို ယနေ့နံနက် ၃ နာရီ ၃၀မိနစ်တွင် ကရင်နီတပ်မတော် (KA)၊ KNDF နှင့် PDF ပူးပေါင်းအဖွဲ့မျာမှ ပူးပေါင်းတိုက်ခိုက်ခဲ့သည်။
တိုက်ပွဲမှာ ၂နာရီခန့်ကြာမြင့်ခဲ့ပြီး အကြမ်းဖက်စစ်ကောင်စီတပ်ဘက်မှ ၁၅ဦးသေဆုံးပြီး အများအပြားထိခိုက်ဒဏ်ရာရရှိခဲ့သည်။
ဒီးမော့ဆို တိုက်ပွဲ
Public Service Announcement
ဒီးမော့ဆိုမြို့နယ် ဒေါပိုးစီနှင့် (၅) မိုင်နှင့် (၆)မိုင်တို့်တွင် ဒီးမော့ဆိုနှင့် လွိုင်ကော်မြို့တွင် နှစ်ဘက်စလုံးမှ စစ်ကြောင်းသုံးကြောင်းဖြင့် အကြမ်းဖက်စစ်ကောင်စီတပ်များ စစ်ကြောင်းထိုးသဖြင့် တိုက်ပွဲများဖြစ်ပွားခဲ့သည်။
နှစ်ဖက်ထိတွေ့တိုက်ပွဲမှာ ဒေါပိုးစီနှင့် (၅)မိုင်၊ (၆) မိုင်တို့တွင် ယနေ့ နံနက် ၈နာရီမှ ညနေ ၃ နာရီခွဲအထိ တိုက်ပွဲပြင်းထန်ခဲ့ပြီး၊ အကြမ်းဖက်စစ်ကောင်စီတပ်များဘက်မှရှစ်ဦးသေဆုံးပြီး ငါးဦးဒဏ်ရာရရှိခဲ့သည်။
အကြမ်းဖက်စစ်ကောင်စီတပ်များဘက်မှ အထိနာသဖြင့် တင့်ကားများအသုံးပြုခဲ့ပြီး သေဆုံးသွားသည့် တပ်သားအလောင်းများ အစဖျောက်ရန်အတွက် ရုပ်အလောင်းများကို အိမ်ထဲထည့်မီးရှို့ခဲ့သည်ဟု ဆိုသည်။
အကြမ်းဖက်စစ်ကောင်စီတပ်များမှ (၆) မိုင်ကျေးရွာ အတွင်း နေအိမ် လေးလုံးနှင့်အထက် မီးရှို့ဖျက်စီးခဲ့ကြောင်းလည်း KNDFက ပြောသည်။
အကြမ်းဖက်စစ်ကောင်စီတပ်များမှ လွိုင်ကော်မြို့ မိုင်းလုံးရပ်ကွက်မှ ဒီးမော့ဆို (၆)မိုင်နှင့် ဘက်တလင် ကျေးရွာအထိ တပ်ဖြန့်ကာ စစ်ကြောင်းထိုးလျက်ရှိနေသည်ဟုလည်း အသိပေးထားသည်။
ယနေ့ တိုက်ပွဲများတွင် ကရင်နီတပ်မတော် နှင့်ပူးပေါင်းအဖွဲ့များ တစုံတရာ ထိခိုက်မှုမရှိဘဲ ရှေ့တန်းမှ ပြန်လည်ဆုတ်ခွာနိုင်ခဲ့ကြောင်း သိရသည်။
ကယား(ကရင်နီ) ပြည်နယ်ကို အကြမ်းဖက်စစ်ကောင်စီက ခြေလျင်အင်အားအလုံးအရင်းဖြင့် ဒီဇင်ဘာ နောက်ဆုံးပတ်ကစ၍ ထိုးစစ်ဆင်နေပြီး ၎င်း တို့ဘက်က အသေအပျောက်များသဖြင့် ရဟတ်ယာဥ်များဖြင့်ပါ အသုံးပြုတိုက်ခိုက်ခဲ့သည်။
