ကားရပ်ပြီး မိုင်းရှာနေသည့် စစ်ကောင်စီတပ်ဖွဲ့ကို မိုင်း ၁၆လုံးဖြင့် ဖောက်ခွဲတိုက်ခိုက်ခဲ့ကြောင်း Myaing PDF က ယနေ့(ဇန်နဝါရီ ၉)ထုတ်ပြန်သည်။
ယနေ့နံနက် ၁၁ နာရီ ၄၅ခန့်တွင် မြိုင်-ပခုက္ကူလမ်း ကိုင်းကွေ့အနီး ကားရပ်ပြီးမိုင်းရှာနေသော စစ်ကောင်စီတပ်အား မိုင်း၁၆ လုံးဖြင့် တိုက်ခိုက်ခဲ့ရာ ၁၀ခန့်သေဆုံးပြီး အများအပြားဒဏ်ရာရရှိသွားကြောင်း ထုတ်ပြန်ချက်တွင် ဖော်ပြသည်။
အလားတူ ယနေ့ညနေ ၅ နာရီ ၂၀ ခန့်တွင် ထန်းငယ်တော အရှေ့ဘက်ချောင်းခွလမ်းခွဲ၌ စစ်ကောင်စီတပ် ယာဉ်တန်းအား ထပ်မံမိုင်းဆွဲတိုက်ခိုက်ရာ ကားမှောက်သွားပြီး စစ်ကောင်စီဘက်မှ ၇ ဦးခန့် သေဆုံးသွားသည်ဟု ထုတ်ပြန်ချက်က ဆိုသည်။
တိုက်ခိုက်မှုကြောင့် အထိနာသွားသည့် စစ်ကောင်စီတပ်များသည် ထန်းငယ်တောရွာအနီး လက်နက်ကြီးများဖြင့် ရမ်းသန်းပစ်နေကြသောကြောင့် ဒေသခံများ ဘေးလွတ်ရာထွက်ပြေးနေရကြောင်း Myaing PDF ၏ ထုတ်ပြန်ချက်တွင်ဖော်ပြသည်။
Public Service Announcement
ထို့အပြင် ပခုက္ကူဘက်မှ ကား ၄၁စီးဖြင့် ဆင်းလာသော စစ်ကောင်စီတပ်များမှာ မြိုင်ဘက်သို့ ဦးတည်ထွက်ခွာ လာသည့်အပြင် စစ်ကောင်စီတပ်များက အိမ်စီးကားများအသုံးပြုသွားလာခြင်းများရှိနေခြင်းကြောင့် ပြည်သူများ ယခုရက်ပိုင်း အိမ်စီးကားအသုံးမပြုကြရန် Myaing PDF က သတိပေးချက် ထုတ်ပြန်ထားသည်။
