မန္တလေး ၊အောင်မြေသာစံမြို့နယ်အတွင်းမှာရှိတဲ့ အိုးဘိုထောင် ရဲ့ ဂိတ်ပေါက်တစ်နေရာကို ဗုံးနဲ့ပစ်ခံရလို့ စစ်ကောင်စီတပ်ဖွဲ့ဝင် ၃ ဦး ဒဏ်ရာရသွားကြောင်းသိရပါတယ်။
အိုးဘိုထောင်ရဲ့မြောက်ဘက်ခြမ်း ဂိတ်နေရာကို မနေ့က ဇန်နဝါရီလ ၁၆ ရက် ည ၆ နာရီခွဲလောက်မှာ ဗုံးနဲ့လာပစ်သွားတာပါ။
ဒီပစ်ခတ်မှုကြောင့် ဂိတ်မှာစောင့်နေတဲ့ စစ်ကောင်စီတပ်ဖွဲ့ဝင် ၃ ဦး ဒဏ်ရာရသွားပေမယ့် မစိုးရိမ်ရဘူးလို့ သိရပါတယ်။
ဒီနေ့မှာတော့ အိုးဘိုထောင်ရဲ့ ဝင်ပေါက်နေရာတွေ အားလုံးကို စစ်ကောင်စီတပ်ဖွဲ့ဝင်တွေ ဖြန့်ကျက်နေရာယူလိုက်ပြီး ထောင်ရှေ့က လမ်းကိုလည်း ပိတ်ထားလိုက်တာတွေ့ရပါတယ်။
Public Service Announcement
ဒါအပြင် အဝင်အထွက်ကို စစ်ဆေးမှုတိုးမြှင့်ထားပါသေးတယ်။
