မန္တလေးမြို့ မဟာအောင်မြေမြို့နယ်ရှိ စစ်ကောင်စီတပ်၏ ကင်းစခန်းတစ်ခုအား ယနေ့ (ဇန်နဝါရီ၁၇)ည အစောပိုင်းက တိုက်ခိုက်ခဲ့ကြောင်း Justic Mandalay People Defence Force(JMPDF)က ထုတ်ပြန်သည်။
မဟာအောင်မြေမြို့နယ် ၃၅ လမ်း၊ ၈၉ လမ်းနှင့် လမ်း ၉၀ ကြားရှိ စစ်ကောင်စီ၏ ကင်းစခန်းတစ်ခုအား ဗုံးပစ် တိုက်ခိုက်ခဲ့ခြင်းဖြစ်ကြောင်း ထုတ်ပြန်ချက်တွင် ဖော်ပြသည်။
“ဟုတ်တယ်၊ တပ်စွဲးထားတာပါဗျ။ အုပ်ချုပ်ရေးမှူးရုံးလို နေရာမျိုးပါ”ဟု JMPDF မှ တာဝန် ရှိသူတစ်ဦးက စစ်ကောင်စီ၏အစောင့်ကင်းအဖွဲ့အား တိုက်ခိုက်မှုနှင့်ပတ်သက်ပြီး လူထုနွေဦးသို့ ပြောသည်။
တိုက်ခိုက်ခံရမှုကြောင့် စစ်ကောင်စီတပ်၏ အစောင့်ကင်းမှတပ်သား လေးငါးဦးခန့်လဲကျသွားသည်ကို မျက်မြင် တွေ့ရှိခဲ့ပြီး သေဆုံးသည်အထိ ထိခိုက်နိုင်ကြောင်း JMPDF နှင့်အတူ ပူးတွဲစစ်ဆင်ရေးလုပ်ဆောင်ခဲ့သည့် Phoenix အထူးပြောက်ကျားတပ်ဖွဲ့မှ တာဝန်ရှိသူတစ်ဦးက အတည်ပြုသည်။
Public Service Announcement
စစ်ကောင်စီတပ်ဖွဲ့ဝင်အချို့ ကင်းစောင့်နေ သည်နေရာမှာ အုပ်ချုပ်ရေးပိုင်းနှင့်သက်ဆိုင်သည့် ရုံးတစ်ရုံးဟုတ်၊ မဟုတ် မသိရသေးဘဲ အစည်းအဝေးတစ်ခုခုရှိသောကြောင့် ခေတ္တလုံခြုံရေးယူထားသည့်နေရာမျိုးဖြစ်နိုင်ကြောင်း တိုက်ခိုက်မှုပြုလုပ်ခဲ့သည့် တော်လှန်ရေးတပ်ဖွဲ့ဝင်များက ဆိုသည်။
