တန့်ဆည်တွင် စစ်​ကောင်စီတပ်နှင့်ပျူ​စောထီးစစ်​ကြောင်းကို ပကဖကတိုက်ခိုက်၍ စစ်​ကောင်စီတပ် ၅ဦး​သေ၊ ပကဖ တစ်ဦးကျဆုံး

တန့်ဆည်မြို့နယ်တွင် အကြမ်းဖက်စစ်ကောင်စီတပ်နှင့် ပျူစောထီးပူးပေါင်းစစ်ကြောင်းကို ပြည်သူ့ကာကွယ်ရေးအဖွဲ့ က မိုင်းဆွဲတိုက်ခိုက်ခဲ့ရာ စစ်ကောင်စီဘက်မှ ငါးဦးသေဆုံးသွားသည်ဟုတန့်ဆည်မြို့နယ် ပြည်သူ့ကာကွယ်ရေးအဖွဲ့ (တန်ဆည် ပ .က.ဖ)က သတင်းထုတ်ပြန်သည်။

အကြမ်းဖက်စစ်ကောင်စီတပ်နှင့် ပျူစောထီးအင်အား ၃၀ခန့်ရှိ​သော စစ်ကြောင်းကို တန့်ဆည်မြို့နယ်သဲစားကျေးရွာ အရှေ့ဘက် ဆည်ဘောင်အနီးတွင်တန့်ဆည် PDF တပ်ရင်း(၁၀)နှင့် မဟာမိတ်များကမိုင်းဆွဲတိုက်ခိုက်ခဲ့ခြင်းဖြစ်သည်။

စစ်ကောင်စီနှင့် ပျုစောထီးဘက်မှ အနည်းဆုံး ငါးဦးကို သုတ်သင်နိုင်ခဲ့သော်လည်း တန့်ဆည် PDF တပ်ရင်း (၁၀)မှ ရဲဘော်တစ်ဦးကျဆုံးသွားခဲ့​ကြောင်းထုတ်ပြန်ချက်တွင်​ဖော်ပြထားသည်။

စစ်ကိုင်းတိုင်းအားစစ်ကောင်စီတပ်များက​နေ၀ာအနှံတွင်စစ်​ကြောင်းထိုး၍ ဖိနှိပ်ရန်ကြိုးစား​နေ​​သော်လည်း မြို့နယ်အများစုမှ ပြည်သူ့ကာကွယ်ရေးအဖွဲ့ များ ၊​ဒေသခံ PDF များ၊​ပြောက်ကျားတပ်ဖွဲ့များက ခုခံတိုက်ခိုက်နေ၍ စစ်ကောင်စီအထိနာနေသည်။

Public Service Announcement