စစ်ကိုင်းတိုင်း၊ မုံရွာ – မန္တလေး လမ်းမကြီးနှင့် ထီးဆောင်း – အရာတော်လမ်းတို့အား ယနေ့ညမှစတင်ကာ ဖြတ်သန်းသွားလာခြင်းမပြုရန် ဒေသတွင်း PDFအဖွဲ့များက သတိပေးသည်။
ယနေ့(ဇန်နဝါရီ ၂၀ ရက်)ည ၈ နာရီမှစတင်ကာ မုံရွာ – မြင်းမူ – စစ်ကိုင်း လမ်းပိုင်းနှင့်ထီးဆောင်း – အရာတော်လမ်းပိုင်းအား ဇန်နဝါရီလ ၂၁ ရက်နေ့ မနက် ၆ နာရီအထိ ဖြတ်သန်းသွားလာခြင်းမပြုရန် မြင်းမူအခြေစိုက် GTRMMUအဖွဲ့နှင့် Myin Mu Defence Force အဖွဲ့တို့က သသိပေးထားခြင်းဖြစ်သည်။
လက်ရှိသွားလာနေသောခရီးသွားပြည်သူကားများလည်းရောက်ရာနေရာတွင်ရပ်တန့်ထားရန်နှင့် တားမြစ်ထားသောအချိန်အတွင်းအထူးဂရုစိုက်လိုက်နာကြပါရန်GTRMMUက မေတ္တာရပ်ခံသည်။
အချိန်မရွေးတိုက်ပွဲ ဖြစ်နိုင်ပါသောကြောင့်မိဘပြည်သူများ မတော်တဆ ထိခိုက် နစ်နာမှုမျိုး မရှိစေလို၍ လမ်း မကြီး ၂ ခု အား အသုံးမပြုခြင်း၊ လှည့်ပြန်ခြင်းမျိုး ပြုလုပ်ရန်၊ မိမိ မိသားစု အသိမိတ်ဆွေများ လမ်းကြောင်းပေါ်တွင် ရှိနေပါက ဖုန်းဆက်အကြောင်းကြားပေးပြီး သတိပေးရန် ထပ်ဆင့်မေတ္တာရပ်ခံကြောင်း Myin Mu Defence Force အဖွဲ့က အသိပေးသည်။
Public Service Announcement
စစ်ကိုင်းတိုင်း၊ စစ်ကိုင်းမြို့နယ်၊ မြင်းမူမြို့နယ်၊ ချောင်းဦးမြို့နယ်တို့ကို ဖြတ်သန်းသွားသော မုံရွာ-မန္တလေးလမ်းမကြီးပေါ်တွင် အကြမ်းဖက်စစ်ကောင်စီတပ်ကားများ မကြာခဏ မိုင်းခွဲခံရလေ့ရှိသည်။
