ကရင်နီပြည်နယ်ထိန်းချုပ်နယ်​မြေရှိ စာသင်​ကျောင်းအချို့တွင် အမျိုးသားအလံလွှင့်ထူ

ကရင်နီ(ကယား)ပြည်နယ်တွင် ကရင်နီအမျိုးသားအလံကို စာသင်ကျောင်းအချို့တွင် လွှင့်ထူထားကြောင်းတိုးတက်သော ကရင်နီပြည်သူ့အင်အားစု(PKPF)က ယနေ့ ထုတ်ပြန်သည်။

“ကျောင်းတော့ မဖွင့်နိုင်သေးဘူး။နေရာတကာမှာစစ်ပွဲတွေပဲမို့။ဘယ်လိုပဲဖြစ်ဖြစ် ၂၀၀၈ခြေဥအောက်က အလံ ဒို့မြေမှာမရှိစေရဘူး”ဟု PKPF၏ တာဝန်ရှိသူတစ်ဦးက လူထုနွေဦးသို့ ပြောသည်။

ကရင်နီအမျိုးသားတိုးတက်ရေးပါတီ၏ ထိန်းချုပ်နယ်မြေအတွင်းရှိ စာသင်ကျောင်းအချို့တွင် အမျိုးသားအလံများ စတင်လွှင့်ထူခြင်း ဖြစ်သည်ဟုလည်း ၎င်းက ရှင်းပြသည်။

အလားတူချင်းပြည်နယ်တွင်ချင်း​ဒေသကာ ကွယ်ရေးအဖွဲ့(CDF) ထိန်းချုပ်နယ်မြေများတွင် ချင်းအမျိုးသားအလံကိုလွှင့်ထူ၍ စာသင်ကျောင်းများစတင်ဖွင့်လှစ်နေပြီ ဖြစ်သည်။

Public Service Announcement

အကြမ်းဖက်စစ်​ကောင်စီကို ​ခုခံ​တော်လှန်​နေ​သော​​ဒေသခံ ပြည်သူ့ကာကွယ်​ရေးတပ်ဖွဲ့များ ထိန်းချုပ်ရာ​ဒေသများရှိ​ကျောင်းများတွင် တိုင်းရင်းသားအလံလွှင့်ထူလာကြခြင်းမှာ ပြည်သူများ​တောင်းဆို​နေ​သော ဖက်ဒရယ်ဒီမိုက​ရေစီ၏ အ​ငွေ့အသက်များရရှိလာခြင်းဖြစ်​ကြောင်းပြည်သူအချို့က မှတ်ချက်ပြုထားသည်။

ယခု​နွေဦး​တော်လှန်​ရေးတွင် အကြမ်းဖက်စစ်​အာဏာရှင် စနစ်ကိုဖြုတ်ချပြီး ၊ဖက်ဒရယ်ဒီမိုက​ရေစီစနစ်ကိုတည်​ထောင်ရန် ပြည်သူများကရည်ရွယ်၍ တိုက်ပွဲဝင်​နေကြခြင်းဖြစ်သည်။

ရက္ခိုင်တပ်မ​တော်ထိန်းချုပ်ထား​သော ရခိုင်ပြည်နယ်ရှိ ​ဒေသများတွင်လည်း ​ကျောင်းများတွင် ရက္ခိုင်အလံ​တော်လွှင့်ထူထားပြီး ရက္ခိုင်အမျိုးသားသီချင်း သီဆိုကြသည်ကို​ ယခုလဆန်းပိုင်းကစ၍ တွေ့ရသည်။