NLD လွှတ်တော်ကိုယ်စားလှယ်ဟောင်း ဦးဖြိုးဇေယျာသော် နဲ့ ၈၈ မျိုးဆက်ကျောင်းသားခေါင်းဆောင်တစ်ဦးဖြစ်တဲ့ ဦးဂျင်မီတို့နှစ်ဦးကို သေဒဏ်ချမှတ်လိုက်တယ်လို့ စစ်ကောင်စီက ကြေညာပါတယ်။
သူတို့နှစ်ဦးကို အကြမ်းဖက်မှုတိုက်ဖျက်ရေး ဥပဒေပုဒ်မ ၃ ခုနဲ့စွဲဆိုပြီး သေဒဏ်ချမှတ်လိုက်တဲ့အကြောင်း စစ်ကောင်စီရဲ့ ဝါဒဖြန့်မီဒီယာက ဒီကနေ့ ဇန်နဝါရီ ၂၁ ရက် ညမှာ ကြေညာခဲ့ပါတယ်။
ဦးဂျင်မီကို စစ်ကောင်စီက အောက်တိုဘာလ ၂၃ ရက် ညပိုင်းကမြောက်ဒဂုံမှာ ဖမ်းဆီးခဲ့တာဖြစ်ပြီး ဦးဖြိုးဇေယျာသော်ကို နိုဝင်ဘာလ ၁၈ ရက် မှာ ရန်ကုန်၊ဒဂုံဆိပ်ကမ်းက ရတနာနှင်းဆီအိမ်ရာမှာ စစ်ကောင်စီတပ်က ဖမ်းဆီးခဲ့တာဖြစ်ပါတယ်။
